زکوٰۃ میں کونسے تولہ کا اعتبار ہوگا

 زکٰوۃ میں اس تولے کا اعتبار ہوگا ، جو11گرام اور 664 ملی گرام کےبرابر ہو ۔ اس لیے کہ  ایک  درہم 3 گرام اور 0.618 ملی گرا م کاہوتاہے ، اور تولے میں 3.809523 دراہم ہوتے ہیں ،تو  ان کو آپس میں ضرب دینے سے تولے  کی یہی مقداربنتی ہے ۔ او ر سونے کا نصاب 20 مثقال ہے ، اور ایک مثقال 4گرام اور  374  ملی گرام کا ہوتا ہے ، اور اس کو مجموعہ(20 مثقال )  کے ساتھ ضرب دینے سے کل 87.48  گرام بنتےہیں ، پھر اس کو 7.5 پر تقسیم کرنے کے بعد تولے کی یہی مقدار بنتی ہے ۔ 

اوزان شرعیہ میں ہے : 

[فتاوی حمادیہ سے نقل کرتےہوئے فرماتے ہیں :  ]" و القيراط حبة و أربعة اخماس حبة ، فيكون وزن الدرهم خمسة و عشرون حبة و خمس حبة ، و كل تولجة ثلثة دراهم و عشرون حبة و خمسا حبة ...إلخ."

( اوزان  شرعیہ ،  مؤلف : مفتی محمد شفیع ، ص: ۲۲، طبع : ادارۃ المعارف کراچی ) 

 وفیہ أیضا : 

’’ مثقال یا دینا ر                                                                                                                             ۔۔                                                                                                                                                                                             4.5 ماشہ                                                                                                                                                             ۔۔                                                                                                                                                                                     4.374             گرام 

درہم                                                                                                                                                                                                                               ۔۔                                                                                                                                                                                    25.2      رتی                                                                                                                                                          ۔۔                                                                                                                                                                                     3.0618                     گرام 

سونے کانصاب                                                                                                                       ۔۔                                                                                                                                                                                                             7.5   تولہ                                                                                                                                                                          ۔۔                                                                                                                                                         87.48               گرام           

چاندی کا نصاب                                                                                                               ۔۔                                                                                                                                                                                     52.5  تولہ                                                                                                                                                             ۔۔                                                                                                                                                                                               612.36               گرام          ‘‘

( اوزان  شرعیہ ،  مؤلف : مفتی محمد شفیع ، ص: ۶۲ ، طبع : ادارۃ المعارف کراچی ) 

زکوٰۃ کس پر فرض ہے

 .جوشخص مسلمان، عاقل و بالغ ،آزاد ہو، نصاب کے برابر مال رکھتا ہو، ما ل ضروریات اصلیہ سے زائد ہو اور اس مال پر پورا سال گذر جائے تو اس پر زکوٰة فرض ہے، نصاب سے مراد یہ ہے کہ ساڑھے سات تولہ سونا ہو یا ساڑھے باون تولہ چاندی ہویا دونوں کی مالیت کے برابریا دونوں میں سے ایک کی مالیت کے برابرنقدی ہو یا سامانِ تجارت ہو یا یہ سب ملا کر یا ان میں سے بعض ملا کر مجموعی مالیت چاندی کے نصاب کے برابر بنتی ہو۔ ہندیہ ص : 171-172 ج : 1 2.اگرایک تولہ سونے کی مالیت اور نقد رقم کا مجموعہ چاندی کے نصاب کے برابر ہو تو دیگر شرائط کے پائے جانے کی صورت میں زکوٰة واجب ہو گی، اگر صرف سونا ہو اور زکوٰة کے قابل اموال میں سے مزید کچھ نہ ہو تو زکوٰة واجب نہیں ۔ شامی ص: 303 ج:2 ط: سعید 3.سونے کا نصاب چونکہ ساڑھےسات تولہ سونا ہے اور نصاب پورا نہیں اس لیےزکوٰة واجب نہیں ۔شامی ص : 295 ج : 2 ط :سعید 4.مذکورہ عورت پر زکوٰة اداکرنا فرض نہیں جب تک وہ صاحبِ نصاب نہ ہوالبتہ شوہر کےذمہ واجب ہے کہ وہ بیوی کو نان نفقہ دے اور ضروریات پوری کرے۔شامی ص : 572 ج : 3 ط :

یتیم کے مال پر زکوۃ

  یتیم اُس نابالغ کو کہتے ہیں جس کے والد کا انتقال ہو گیا ہو اور جس طرح نماز ،روزہ  ، حج اور دیگر عبادات نابالغ پر فرض نہیں ہیں اسی طرح اس پر زکات بھی فرض نہیں ہے ۔البتہ اگر وہ بالغ ہوچکاہو تو وہ یتیم نہیں کہلائے گا اور وہ شریعت کے سارے احکام نماز روزے زکاۃ وغیرہ کا مکلف ہوگا۔

 اگر مالک نصاب نابالغ ہو اور ماں کی طرف سے ان کو  ملنے والی رقم زکات کے نصاب تک پہنچتی ہو،   تب بھی نابالغ ہونے کی وجہ سے اس مال پر زکات  واجب نہیں ہوگی ۔

حدیث شریف میں ہے:

"ذيال بن عبيد، قال: سمعت جدي حنظلة بن حذيم بن حنيفة قال: سمعت النبي صلى الله عليه وسلم يقول: «لا يتم بعد احتلام ولا يتم على جارية إذا حاضت»."

(النفقة على العيال لابن أبي الدنيا،‌‌‌‌باب في اليتامى، ج:2، ص:806، ط: دار ابن القيم)

فتاویٰ شامی میں ہے:

"وشرط افتراضها عقل وبلوغ...  (قوله عقل وبلوغ) فلا تجب على مجنون وصبي لأنها عبادة محضة وليسا مخاطبين بها، وإيجاب النفقات والغرامات لكونها من حقوق العباد والعشر، وصدقة الفطر لأن فيهما معنى المؤنة."

(كتاب الزكاة، ج:2، ص:258، ط: دار الفكر

امانت کی رقم پر زکوۃ

 امانت رکھوانے والے کی اجازت سے امانت کی رقم کا استعمال امین کے لیے جائز ہے ، البتہ اس رقم کے مالک چوں کہ رکھوانے والے شخص ہیں؛ اس لیے اس رقم کی زکاۃ مالک پر لازم ہے ، سائل پر یا قرض لینے والے پر نہیں۔

فتاویٰ شامی میں ہے:

"(‌وشرطه) ‌أي ‌شرط ‌افتراض ‌أدائها (‌حولان ‌الحول) وهو في ملكه (وثمنية المال كالدراهم والدنانير) لتعينهما للتجارة بأصل الخلقة فتلزم الزكاة كيفما أمسكهما ولو للنفقة (أو السوم) بقيدها الآتي (أو نية التجارة) في العروض."

(‌‌كتاب الزكاة، ج:2، ص:267، ط:سعید)

"الفتاوى الهندية" میں ہے:

"وأما حكمها فوجوب الحفظ على المودع وصيرورة المال أمانة في يده ووجوب أدائه عند طلب مالكه، كذا في الشمني."

(كتاب الوديعة، الباب الأول في تفسير الإيداع والوديعة وركنها وشرائطها وحكمها، ج:4، ص:338، ط:رشيدية)

خون سے تعویذ لکھنا

  خون سے تعویذ لکھنا خصوصاً جب کہ اُن میں اللہ تعالیٰ، فرشتوں اور انبیاء کرام علیہم السلام کے اسماء ہوں یا آیات قرانیہ ہوں  ناجائز وحرام ہے؛ کیوں کہ خون نجس ہے اور اِس سے تعویذ لکھنے میں اُن اسماء کی توہین وبے حرمتی لازم آتی ہے۔ البتہ  اگر  جان جانے کا خطرہ ہو اور دیگر علاج معالجہ سے شفا نہ ملے، اور صحت یابی کی اس کے علاوہ کوئی اور ممکنہ صورت نہ رہے تو فقہاء کرام نے اس کی گنجائش دی ہے، تاہم اس رخصت پر عمل کرنے کے بجائے وہ آدمی  عزیمت پر عمل کرکے مرجائے تو یہ افضل ہے۔ نیز  خون سے تعویذ لکھے بغیر کوئی علاج کی صورت نہ ہونا بغیر دلیل کے قابل قبول نہیں ہوگا۔ (مستفاد فتاوی محمودیہ ۲۰/۶۶)

حاشية ابن عابدين - (1 / 210):
’’ونص ما في الحاوي القدسي إذا سال الدم من أنف إنسان ولاينقطع حتى يخشى عليه الموت وقد علم أنه لو كتب فاتحة الكتاب أو الإخلاص بذلك الدم على جبهته ينقطع فلايرخص له ما فيه، وقيل: يرخص كما رخص في شرب الخمر للعطشان وأكل الميتة في المخمصة وهو الفتوى ا هـ‘‘.

نماز فجر کے بعد مصافحہ کا التزام

 نمازِ فجر کے بعد یا دیگر نمازوں کے بعد سلام ومصافحہ کا التزام کرنا شریعت میں ثابت نہیں ہے، بلکہ  نماز کے بعد سلام و مصافحہ کا التزام کرنا اور نہ کرنے والے کو غلط سمجھنا بدعت میں شامل ہے؛ اس لیے یہ طریقہ کار درست نہیں ۔البتہ اگر کبھی کبھار نماز کے بعد بوقتِ ملاقات بغیر التزام کے سلام ومصافحہ ہوتو مضائقہ نہیں ۔ (کفایت المفتی ، 9/107-امدادالفتاوی 5/268)

فتاوی شامی میں ہے :

"ونقل في تبيين المحارم عن الملتقط: أنه تكره المصافحة بعد أداء الصلاة بكل حال؛ لأن الصحابة رضي الله تعالى عنهم ما صافحوا بعد أداء الصلاة ولأنها من سنن الروافض، ثم نقل عن ابن حجر عن الشافعية أنها بدعة مكروهة لا أصل لها في الشرع، وإنه ينبه فاعلها أولاً ويعزر ثانياً، ثم قال: وقال ابن الحاج من المالكية في المدخل: إنها من البدع، وموضع المصافحة في الشرع إنما هو عند لقاء المسلم لأخيه لا في أدبار الصلوات فحيث وضعها الشرع يضعها فينهي عن ذلك ويزجر فاعله لما أتى به من خلاف السنة اهـ ثم أطال في ذلك فراجعه". (6/382) فقط

غیر مفتی کامسئلہ بتانا

 مسائلِ شرعیہ   بتلانے میں لوگوں کی راہ نمائی کرنا جہاں نہایت عظیم الشان کام اور باعثِ اجر و ثواب ہے  وہیں نہایت نازک معاملہ بھی ہے،اس لیے کہ مسائل بتانے والے کی حیثیت اللہ اور بندوں کے درمیان واسطے کی ہے ، اگر وہ صحیح مسئلہ بتاۓ گا تو اجر و ثواب کا مستحق ہوگا، اور اگر خدا نخواستہ غلط مسئلہ بتاۓ گا تو اس کا وبال اور گناہ بھی اسی کے ذمے ہوگا،اس لیے مسائل بتانے میں نہایت ہی  احتیاط لازم ہےاور جب تک مسئلہ  مکمل طور پرمعلوم نہ  ہو اس وقت تک مسئلہ نہیں بتانا چاہیے،اسی طرح یہ بھی واضح رہے کہ صرف فقہ کی ابتدائی چندکتابیں پڑھ لینے سے مسائل کا مکمل علم اور ان  میں  مہارت حاصل نہیں ہوجاتی ،بلکہ    مسائل  میں مہارت کے لیے جہاں فقہ کے  قدیم وجدید مآخذ کا وسیع وعمیق مطالعہ ضروری ہے،  وہیں اس سے زیادہ مستند وماہر مفتیانِ کرام کی سرپرستی اور تربیت ضروری ہے، شرعی  مسائل میں ایسے  بہت  سے امور  ہیں جن کا ادراک  ممارست اور مسلسل تجربے کا تقاضہ کرتا ہے، اور ان امور کی انجام دہی کسی  مستند دارالافتاء  سے  وابستہ مفتی ہی  کرسکتاہے، لہذا مذکورہ شخص اگر  واقعتاً پختہ عالم ہے اور اس کے علاقے میں اور کوئی دوسرا شخص  دین کا  صحیح علم رکھنے والا موجود نہیں ہے  تو   غیر مفتی عالم بوقتِ ضرورت اس شرط کے ساتھ  مسئلہ  آگے بیان  کرسکتا ہے کہ جب اسے مسئلے سے متعلق مکمل طور پر  علی وجہ البصیرت یقینی اور صحیح  علم ہو یا   اہلِ حق کی کسی مستند  کتاب میں  مسئلہ دیکھا ہو یااہل ِحق کے کسی مستندمفتی صاحب سے مسئلہ معلوم کیا ہو  اور مسئلہ اچھی طرح سمجھ بھی چکا ہو  یا جواب کی تصدیق  کسی مستند مفتی یا دار الافتاء سے کرچکا ہو،اور وہ  مسئلہ قرآن و سنت اور شریعت کے بالکل  سو فیصد مطابق ہو ،اس میں شرک و بدعت کی کسی قسم کی آمیزش نہ ہو ، اہل ِ سنت والجماعت کے طریقے سے  سرِ مو منحرف نہ ہواور پھر مسئلہ بعینہ آگے نقل کرے،اور   ساتھ  ہی  اس سائل کو کسی مستند مفتی  یا مستند عالمِ دین سے رجوع کا مشورہ بھی دیا جاۓ، یا مسئلہ بتانے سے پہلے کسی مستند اور پختہ کار مفتی سے اس مسئلے کی تصدیق کروالی جاۓ کہ سائل کے اس سوال کے جواب میں فلاں  فتویٰ بطورِ جواب درست ہوگا یا نہیں ؟،غیر عالم شخص کا مستقل یہ  معمول بنالینا کہ لوگوں کے مسائل سن کر ان کے جوابات دے ، اس میں خطا  کا غالب امکان ہے، لہٰذا مستند مفتی یا   پختہ عالم کے علاوہ کسی دوسرے شخص کو مستقل مسائل نہیں بتانے چاہییں، اور جو مسائل سمجھ نہ آئیں یا ان میں اشتباہ ہو، ان کا جواب نہیں دینا چاہیے، بلکہ کسی مستند دار الافتاء یا مفتی صاحب سے رجوع کرکے عوام الناس کی راہ نمائی کرنی چاہیے۔

قرآن مجید میں ارشادِباری تعالی ہے:

" فَسْــٴَـلُوْۤا اَهْلَ الذِّكْرِ اِنْ كُنْتُمْ لَا تَعْلَمُوْنَۙ."

ترجمہ:"سو اگر تم کو علم نہیں تو اہلِ علم سے پوچھ دیکھو."

(بیان القرآن،45/6،ط:میر محمد)

سنن ابو داؤد میں ہے:

"فإنما ‌شفاء ‌العي السؤال."

ترجمہ:"لا علمی کا علاج  سوال ہی ہے."

(کتاب الطهارۃ،باب في المجروح یتیمم،201/1،رقم:336،ط:بشری

پرندےرکھنے سے مصیبت دور ہوتی ہے ؟

  کو جو خیر ملتی ہے یا مصیبت پہنچتی ہے، وہ اللہ رب العزت کی طرف سے ہوتی ہے، احاديثِ  مباركہ ميں اگرچہ بعض پرندوں اور  جانوروں كو باعثِ خير و بركت كہا گيا ہے، جیسے بكری اور مرغ، اسی طرح  جہاد  کی نیت سے پالا گیا گھوڑا بھی باعثِ  خیر  ہے، لیکن اس سے یہ لازم نہیں آتا کہ یہ جانور یا پرندے مصیبتیں ٹالنے والے ہیں، ہاں یہ ضرور ہے کہ اللہ تعالیٰ معصوم بچوں، نیک لوگوں، یا بے زبان جانوروں وپرندوں کی وجہ سے بعض اوقات انسان پر اُس کے اعمال کے سبب آئی مصیبتوں وبلاؤں کو ٹال دیتے ہیں، جیسا کہ استسقاء (طلبِ باراں) کی نماز کے لیے جاتے ہوئے بچوں، بوڑھوں اور بے ضرر جانوروں کو بھی ساتھ لے جانے کا حکم ہے، لیکن یہ چیزیں بذاتِ خود اللہ تعالیٰ کی تقدیر کو ٹالنے یا بدلنے والی نہیں ہیں، بلکہ خیر و شر اللہ کی جانب سے ہے اور شر سے بچانے والی ذات بھی اللہ رب العزت کی ہے، خواہ بغیر کسی سبب کے بچائے یا دعا، صدقات اور نیک اعمال کے  وسیلے سے بچائے۔

لہٰذااس عقیدے کے ساتھ گھر میں پرندوں  یا جانوروں کو پالنا کہ یہ ہم پر آنے والی مصیبتوں کو ٹال دیں گے یا اپنے اوپر لے کر ہماری حفاظت کریں گے، جائز نہیں  ہے، اس سے احتراز لازم ہے۔ البتہ مذکورہ عقیدہ رکھے بغیر ویسے ہی، یا گھر میں برکت کے حصول کے لیے  جانور یا پرندے پالنا  جائز ہے، بشرط یہ کہ ان کے دانہ، پانی  اور  صفائی ستھرائی کا بروقت انتظام کیا جائے اور  ان کو بھوکا پیاسا نہ رکھا جائے۔

صحیح البخاری میں ہے:

"يَا أَبَا عُمَيْرٍ مَا فَعَلَ النُّغَيْرُ، نُغَرٌ کَانَ يَلْعَبُ بِه".

(ج:5:ص:2291، رقم: 5850، دار ابن کثير اليمامة بيروت)

فتح الباری میں ہے:

"إن في الحديث دلالةً على جواز إمساك الطير في القفص ونحوه، ويجب على من حبس حيواناً من الحيوانات أن يحسن إليه ويطعمه ما يحتاجه لقول النبي صلى الله عليه وسلم".

(ج:10، ص:584، ط:دار المعرفة بيروت)

عورت ک مایک پر تقریر کرنا

 ضرورت کے وقت عورت کے لیے اجنبی مرد سے بات کرنا، اسی طرح کوئی دینی مسئلہ یا حدیث وغیرہ بیان کرنا اگرچہ جائز ہے، جیسا کہ حضرت عائشہ صدیقہ رضی اللہ عنہا وغیرہا سے ثابت ہے؛ لیکن شرط یہ ہے کہ ضرورت واقعی ہو یعنی کوئی دوسرا مرد مسئلہ بتلانے والا نہ ہو  اور نہ اپنی کسی محرم خاتون کے توسط سے معلوم کیا جاسکتا ہو، اور اس مسئلہ کی دینی اعتبار سے فوری ضرورت وغیرہ بھی ہو، لیکن عورتوں کا جلسوں وغیرہ محافل میں اتنی بلند آواز سے بیان کرنا کہ آواز باہر مردوں تک بھی پہنچتی ہو جائز نہیں ہے ، کیوں کہ عورتوں کا جلسوں میں بلند آواز سے بیان کرنا ضرورت میں داخل نہیں ہے،لہٰذا اجنبی مردوں کے سامنے عورتوں کا اپنی آواز ظاہر کرنے میں بہرحال خوفِ فتنہ ہے، اس لیے شرعًا اس کی اجازت نہیں دی جاسکتی، یہی وجہ ہے کہ شریعتِ مطہرہ میں  عورتوں کے لیے اذان دینا ممنوع ہے، اسی طرح عورتوں کو بلند آواز سے تلبیہ پڑھنے کی بھی اجازت نہیں ہے، بلکہ جماعت کی نماز میں شریک ہونے کی صورت سے امام کو آواز سے تسبیح پڑھ کر لقمہ دینے کی بھی اجازت نہیں ہے، نیز دیگر تسبیحات و تذکیر و تہلیل وغیرہ  بھی  پست آواز سے کہنے کا حکم ہے؛ لہٰذا عورتوں  کے لیے جلسوں وغیرہ  میں ساؤنڈ  سسٹم کے ذریعہ بلند آواز سے بیان کرنا جائز نہیں ہے، اس سے اجتناب لازم ہے، بلکہ جلسوں وغیرہ میں شرکت کے  لیے عورتوں کا گھر سے باہر نکلنا ہی شرعًا درست نہیں ہے۔

احکام القرآن میں ہے:

وقَوْله تَعَالَى: { وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ } رَوَى أَبُو الْأَحْوَصِ عَنْ عَبْدِ اللَّهِ قَالَ : ( هُوَ الْخَلْخَالُ ) ، وَكَذَلِكَ قَالَ مُجَاهِدٌ : ( إنَّمَا نُهِيت أَنْ تَضْرِبَ بِرِجْلَيْهَا لِيُسْمَعَ صَوْتُ الْخَلْخَالِ ) وَذَلِكَ قَوْلُهُ : { لِيُعْلَمَ مَا يُخْفِينَ مِنْ زِينَتِهِنَّ } .
قَالَ أَبُو بَكْرٍ : قَدْ عُقِلَ مِنْ مَعْنَى اللَّفْظِ النَّهْيُ عَنْ إبْدَاءِ الزِّينَةِ وَإِظْهَارِهَا لِوُرُودِ النَّصِّ فِي النَّهْيِ عَنْ إسْمَاعِ صَوْتِهَا ؛ إذْ كَانَ إظْهَارُ الزِّينَةِ أَوْلَى بِالنَّهْيِ مِمَّا يُعْلَمُ بِهِ الزِّينَةُ ، فَإِذَا لَمْ يَجُزْ بِأَخْفَى الْوَجْهَيْنِ لَمْ يَجُزْ بِأَظْهَرِهِمَا ؛ وَهَذَا يَدُلُّ عَلَى صِحَّةِ الْقَوْلِ بِالْقِيَاسِ عَلَى الْمَعَانِي الَّتِي قَدْ عَلَّقَ الْأَحْكَامَ بِهَا ، وَقَدْ تَكُونُ تِلْكَ الْمَعَانِي تَارَةً جَلِيَّةً بِدَلَالَةِ فَحْوَى الْخِطَابِ عَلَيْهَا وَتَارَةً خَفِيَّةً يُحْتَاجُ إلَى الِاسْتِدْلَالِ عَلَيْهَا بِأُصُولٍ أُخَرَ سِوَاهَا .
وَفِيهِ دَلَالَةٌ عَلَى أَنَّ الْمَرْأَةَ مَنْهِيَّةٌ عَنْ رَفْعِ صَوْتِهَا بِالْكَلَامِ بِحَيْثُ يَسْمَعُ ذَلِكَ الْأَجَانِبُ ؛ إذْ كَانَ صَوْتُهَا أَقْرَبَ إلَى الْفِتْنَةِ مِنْ صَوْتِ خَلْخَالِهَا ؛ وَلِذَلِكَ كَرِهَ أَصْحَابُنَا أَذَانَ النِّسَاءِ ؛ لِأَنَّهُ يُحْتَاجُ فِيهِ إلَى رَفْعِ الصَّوْتِ وَالْمَرْأَةُ مَنْهِيَّةٌ عَنْ ذَلِكَ ، وَهُوَ يَدُلُّ أَيْضًا عَلَى حَظْرِ النَّظَرِ إلَى وَجْهِهَا لِلشَّهْوَةِ ؛ إذْ كَانَ ذَلِكَ أَقْرَبَ إلَى الرِّيبَةِ وَأَوْلَى بِالْفِتْنَةِ."

 (احکام القرآن للجصاص، ج:3، ص:465، ط:مکتبة رشیدیة

فتاوی شامی میں ہے:

"وصوتها على الراجح وذراعيها على المرجوح.

(قوله: وصوتها) معطوف على المستثنى يعني أنه ليس بعورة ح (قوله: على الراجح) عبارة البحر عن الحلية أنه الأشبه. وفي النهر وهو الذي ينبغي اعتماده. ومقابله ما في النوازل: نغمة المرأة عورة، وتعلمها القرآن من المرأة أحب. قال عليه الصلاة والسلام: «التسبيح للرجال، والتصفيق للنساء» فلايحسن أن يسمعها الرجل. اهـ. وفي الكافي: ولاتلبي جهرًا لأن صوتها عورة، ومشى عليه في المحيط في باب الأذان بحر. قال في الفتح: وعلى هذا لو قيل إذا جهرت بالقراءة في الصلاة فسدت كان متجها، ولهذا منعها عليه الصلاة والسلام من التسبيح بالصوت لإعلام الإمام بسهوه إلى التصفيق اهـ وأقره البرهان الحلبي في شرح المنية الكبير، وكذا في الإمداد؛ ثم نقل عن خط العلامة المقدسي: ذكر الإمام أبو العباس القرطبي في كتابه في السماع: ولا يظن من لا فطنة عنده أنا إذا قلنا صوت المرأة عورة أنا نريد بذلك كلامها، لأن ذلك ليس بصحيح، فإذا نجيز الكلام مع النساء للأجانب ومحاورتهن عند الحاجة إلى ذلك، ولا نجيز لهن رفع أصواتهن ولا تمطيطها ولا تليينها وتقطيعها لما في ذلك من استمالة الرجال إليهن وتحريك الشهوات منهم، ومن هذا لم يجز أن تؤذن المرأة. اهـ. قلت: ويشير إلى هذا تعبير النوازل بالنغمة." (1 / 406)

کھانے کے بعد تلوں سے ہاتھ صاف کرنا

 کھاناکھانے کے بعد ہاتھوں کو پاؤں کے تلووں  سے پونچھنے سے  متعلق حضر ت عمررضی اللہ عنہ کا  ایک  اثر ملتا  ہے ، لہذا کھاناکھانے کے بعد پاؤں کے تلووں سے  ہاتھ  پونچھنا درست ہے  ۔

کنز العمال میں ہے :

"عن السائب بن يزيد قال: ربما تعشيت عند عمر بن الخطاب فيأكل الخبز واللحم ثم يمسح يده على قدمه ثم يقول: هذا منديل عمر وآل عمر."

(فضائل الفاروق رضي الله عنه12/625ط: مؤسسة الرسالة)

ترجمہ :"سائب بن یزید   فرماتے ہیں :بسااوقات میں  حضر ت عمر بن خطاب رضی اللہ عنہ  کے پاس  رات کاکھانا کھایا وہ روٹی اور گوشت کھاتے ، پھر اپنا ہاتھ   پاؤں پر   صاف کرلیتے اور فرماتے یہ عمر اور آل عمر کا رومال ہے ۔"

کافر،زندیق،ملحد،مرتد،کی تعریف

 "کافر"وہ شخص ہےجودین اسلام کو ظاہراً وباطناً ماننے والانہ ہو۔  "زندیق"  وہ شخص ہے جوزبان سےتومسلمان ہونےکااقرارکررہاہو لیکن احکامِ اسلام کی باطل تاویل کرتاہو۔  "مرتد" وہ شخص ہےکہ اپنی مرضی اوررضامندی سےاسلام قبول کرنےکےبعداسلام سے پھرجائے۔

  ” ملحد“ لغوی تعریف کے اعتبار سےتو کفر کی تمام اقسام کو شامل ہے اور اصطلاحی معنی کے اعتبار سےاس شخص کو کہا جاتا ہے جو   بظاہر تو دین حق کا اقرار کرتا ہے، لیکن ضروریات دین میں سے کسی امر کی ایسی تعبیر وتشریح کرتا ہے جو صحابہ وتابعین نیز اجماع امت کے خلاف ہو  ۔ اور" منافق " اس کو کہا جاتا ہے جو  زبان سے تو دین حق کا  اقرار کرتا ہے، مگر دل سے  اس کا منکر ہو۔  ( فتاوی شامی، ج: ۴، ص: ۳۴۱ ومابعد، ط: سعید) ۔

توسل کی حقیقت

 توسل کی دو قسمیں ہیں: 1) توسل بالاعمال یعنی اپنے کسی نیک عمل کے وسیلے سے یوں دعا کرنا کہ اے اللہ! فلاں عمل کی برکت سے میری فلاں حاجت پوری فرما. یہ صورت بالاتفاق وبلااختلاف جائز ہے اور اس کی دلیل وہ مشہور اور صحیح حدیث ہے جس میں تین افراد ایک غار  میں پھنس گئے تھے اور تینوں نے اپنے نیک عمل کے وسیلے سے دعا کی تو اللہ تعالی نے اس مصیبت سے انہیں نجات عطا فرمائی. (بخاری 1 /  493 قدیمی) 2) توسل بالذوات یعنی کسی نبی، صحابی یا کسی ولی سے اپنے تعلق کا واسطہ دے کر دعا کرنا. یہ صورت بھی جمہور اہل سنت والجماعت کے نزدیک جائز ہے، چناچہ قرآن کریم کی آیت سے ثابت ہے کہ بنوقریظہ اور بنونضیر کے یہود نبی کریم صلی اللہ علیہ وسلم کی بعثت سے پہلے آپ کے وسیلے سے فتح ونصرت کی دعا کیا کرتے تھے. (البقرۃ:89)خود نبی کریم صلی اللہ علیہ وسلم فقرا ومہاجرین کے توسل سے دعا فرماتے تھے. (مشکوۃ : 2 / 447 قدیمی) اور حضرت عمر رضی اللہ عنہ قحط سالی کے سال حضرت عباس رضی اللہ عنہ (جو اس وقت حیات تھے) کے وسیلے سے دعا فرماتے تھے. ( نیل الاوطار : 4 / 8 طبع مصر) البتہ کسی نبی یا ولی سے حاجت مانگنا شرک ہے، اور ان کی قبر پر جاکر ان سے دعا کی درخواست کرنا بھی علما کے نزدیک مختلف فیہا مسئلہ ہے اور اس سے اجتناب کرنا لازم ہے. (تفصیل کے لیے ملاحظہ فرمائیں: مولانا محمد یوسف لدھیانوی شہید رحمہ اللہ کی کتاب "اختلافِ امت اور صراطِ مستقیم" اور فتاوی بینات کی جلد دوم) مذکورہ تفصیل کی روشنی میں آپ کے سوالات کے جوابات کا حاصل یہ ہوا کہ توسل بالاعمال اور توسل بالذوات دونوں علمائے دیوبند سمیت جمہور اہلِ سنت والجماعت کے نزدیک جائز ہے، قرآن کریم واحادیث مبارکہ اور کتبِ فقہ میں اس کی تصریحات موجود ہیں، علمائے دیوبند کی کتاب المہند علی المفند میں بھی واضح طور پر یہی عقیدہ مذکور ہے، لہذا توسل کا کلی طور پر انکار یا نبی اور ولی میں فرق کرنا درست نہیں، البتہ یہ واضح رہے کہ دعا کی قبولیت کے لیے وسیلہ واجب یا ضروری نہیں، توسل کا انکار کیے بغیر بلاوسیلہ دعا مانگنا بھی جائز ہے.

جمعہ کی ایک رکعت ملی

 اگر کوئی جمعہ کی نماز میں تاخیر سے پہنچا جس کی وجہ سے امام صاحب ایک رکعت پڑھاچکے تھے اور دوسری رکعت چل رہی ہو تو اسے چاہیے کہ عام نمازوں کی طرح امام کے ساتھ نماز میں شریک ہوجائے اور امام کے سلام پھیرنے کے بعد اپنی ایک رکعت پوری کرلے۔

الدر المختار وحاشية ابن عابدين (رد المحتار) (2/ 157):

(ومن أدركها في تشهد أو سجود سهو) على القول به فيها (يتمها جمعة) خلافا لمحمد (كما) يتم (في العيد) اتفاقا كما في عيد الفتح لكن في السراج أنه عند محمد لم يصر مدركا له (وينوي جمعة لا ظهرا) اتفاقا فلو نوى الظهر لم يصح اقتداؤه ثم الظاهر أنه لا فرق بين المسافر وغيره نهر بحتا
(قوله: ومن أدركها) أي الجمعة (قوله أو سجود سهو) ولو في تشهده ط (قوله: على القول به فيها) أي على القول بفعله في الجمعة. والمختار عند المتأخرين أن لايسجد للسهو في الجمعة والعيدين لتوهم الزيادة من الجهال كذا في السراج وغيره بحر وليس المراد عدم جوازه بل الأولى تركه كي لا يقع الناس في فتنة أبو السعود عن العزمية ومثله في الإيضاح لابن كمال (قوله: يتمها جمعة) وهو مخير في القراءة إن شاء جهر وإن شاء خافت بحر (قوله: خلافا لمحمد) حيث قال: إن أدرك معه ركوع الركعة الثانية بنى عليها الجمعة، وإن أدرك فيما بعد ذلك بنى عليها الظهر لأنه جمعة من وجه وظهر من وجه لفوات بعض الشرائط في حقه فيصلي أربعا اعتبارا للظهر ويقعد لا محالة على رأس الركعتين اعتبارا للجمعة ويقرأ في الأخريين لاحتمال النفلية. ولهما أنه مدرك للجمعة في هذه الحالة حتى تشترط له نية الجمعة وهي ركعتان، ولا وجه لما ذكر لأنهما مختلفان لايبنى أحدهما على تحريمة الآخر كذا في الهداية (قوله: لكن في السراج إلخ) أقول: ما في السراج ذكره في عيد الظهيرية عن بعض المشايخ ثم ذكر عن بعضهم أنه يصير مدركا بلا خلاف، وقال: وهو الصحيح (قوله: اتفاقًا) لما علمت أنها عند محمد ليست ظهرا من كل وجه.