کشمیری خانہ بدوشوں پر مظالم

 جموں کشمیر میں صدیوں سے بکروال اور گوجر برادری  جنگلات میں عارضی رہائشی مکانات بناکر آباد ہے یہ سال میں دومرتبہ ہجرت کرتے ہیں.جنگلات میں ان کے عارضی مکانات آجکل منہدم کئے جارہے جو  دفعہ 370کی منسوخی کا نتیجہ ہے کہ اب کشمیریوں کوگویا جنگلات میں بھی سرچھپانے کی اجازت نہیں.ہندوستان کی موجودہ حکومت نے کشمیریوں کادائرۂ حیات تنگ کرنے کے لئے ان کے جنگلات میں عارضی مکانات منہدم کرکے یہ بتانے کی کوشش کی ہے کہ یہ حکومت انسانیت کی دشمن اور بربریت کی عادی ہے.دفعۂ مذکور منسوخ کرتے وقت ترقی کے وعدے کئے گئے تھے اب سخت سردی میں غریب اور بے سہاراقبائلی اورچرواہوں کے گھر منہدم کئے جارہے ہیں.جس قانون کا سہارالے کر یہ کام انجام دیاجارہاہے اس کے نفاذ سے برسہابرس پہلے یہ لوگ یہاں آباد تھے آج انہیں حرف غلط کی طرح مٹانے کاحق کس نے دیدیا؟ سپریم کورٹ ارنب گوسوامی کی ضمانت عرضی تو سننے کاوقت رکھتا ہے لیکن اس کے پاس دفعہ 370کے معاملہ کوسننے کاوقت نہیں !گویاکروڑوں کشمیری عوام کے مفادات جس عرضی سے وابستہ ہیں اس کو سننے کاوقت نہیں !البتہ حکومت نوازبکاؤصحافی جسےایک مقدمۂ قتل میں پولیس نے گرفتار کیاتھا اس کو ایک ہفتہ کے اندر سپریم کورٹ نے ضمانت دیدی  اسے سننے کا وقت ہے!جب کہ متعدد صحافی آج تک بلاوجہ جیلوں میں بند ہیں انہیں سننے کاوقت تک نہیں !ادھر حکومت ہند کے قدیم بہی خواہ بلکہ دیرینہ ضمیرفروش وزیرشاہنواز حسین نے کل ہی کہا ہے کہ" میں خداکوحاضرناظرجانتے ہوئے کہتاہوں کہ اب دفعہ 370کوکشمیرمیں کوئی طاقت بحال نہیں کرسکتی" .کسی برسراقتدار پارٹی کے وزیرکااس طرح کھلے عام دعوی صاف طورپر ثابت کرتاہے کہ ہندوستان میں عدلیہ کو مکمل طور سے ہائی جیک کرلیا گیا ہے.وہ حکومت کے خلاف کوئی فیصلہ کرنے کی طاقت نہیں رکھتی .اسی لئے کشمیری عوام کوروناسے پہلے ہی پوری دنیاسے مکمل طورسے کٹ آف کردئے گئے,جوغریب جنگلات میں بھیڑ بکریاں پال کرگزاراکرتے تھے ان کے بھی گھر منہدم کئے جارہے ہیں!کیا کوئی انسانی قانون اسےدرست قرار دے سکتاہے.؟کیایہ جنگل راج نہیں!بربریت نہیں! انسانیت کا مذاق نہیں؟حکومت ایسے ظالمانہ قوانین دیگرعلاقہ جات ہند میں بھی نافذ کرکے دکھائے؟کروڑوں لوگوں نے حکومت کی زمینوں پر روڈز پر تجاوزات قائم کررکھے ہیں کیا کسی حکومت میں یہ ہمت ہے کہ وہ ان کے گھروں اور دکانوں کومنہدم کرے؟نہیں ہرگز نہیں.جن تجاوزات سے عوام کوپریشانی ہے ان کو حکومت ہاتھ تک نہیں لگاسکتی کیوں کہ اس کی بناپر عوامی آواز اٹھے گی جو فرقہ پرست حکومت کو ختم کرسکتی ہے لیکن غریب وبے سہاراکشمیریوں کوآسانی سے بے گھر کیا جاسکتا ہے.یقینااس پر کوئی نہیں بولے گا,وہ بھوکوں مرے کرفیوجیسے حالات میں رہیں کسی پر کوئی فرق نہیں پڑتا!حتی کہ انصاف بھی اپنا منھ نہیں کھولتا کیونکہ وہ اب اندھا نہیں بینا ہے دیکھ کر انصاف کرتا ہے

بی بی سی اردو  کے مطا بق "میں اپنے بچے کو دُودھ پلا رہی تھی کہ اچانک سینکڑوں گاڑیوں میں انتظامیہ اور پولیس کے اہلکار یہاں پہنچے اور لاٹھیوں اور کدالوں سے ہمارا گھر توڑنے لگے۔ بچے ڈر گئے۔ ہم سب خواتین رو رہی تھیں۔"

یہ کہنا ہے  انڈیا کے زیر انتظام کشمیر کے قصبے پہلگام کی رہائشی نسیمہ اختر کا جن کا خاندان گذشتہ کئی عشروں سے جنگلات کی اراضی پر قائم کچے اور عارضی گھر (جنھیں مقامی طور پر کوٹھا کہا جاتا ہے) میں رہائش پذیر تھا۔

وہ کہتی ہیں کہ ’یہ کہاں کا انصاف ہے، کیا یہی ہے وہ وعدہ جو سرکار نے کیا تھا کہ اب خود مختاری ختم ہو گئی ہے اور اب خوشحالی ہو گی۔ سخت سردی میں جنگل کے بیچ ہم کدھر جائیں۔‘

نسیمہ اختر کا خاندان ان سینکڑوں قبائلی خاندانوں میں سے ایک ہے جو پہلگام کے مامل اور لِدرو جنگلات کی اراضی پر نسل در نسل آباد رہے ہیں۔ تاہم اب مقامی حکومت نے جنگلات کی اراضی پر آباد قبائلی خاندانوں کے عارضی گھروں کو مسمار کرنے کی مہم شروع کر دی ہے۔

گل ناز کا ماتم:یہ دیس ہے اندھے بہروں کا اے چاند یہاں نہ نکلاکر

 معاملہ ہے بہار کے ضلع ویشالی کا، گاؤں رسول پور حبیب کی رہنے والی گل ناز ۲۰ سال کی تھی جس کے والد مختار کا انتقال ہوچکاہے، ماں سمنا خاتون سلائی کا کام کرکے گھر چلاتی تھی، گل ناز چونکہ باپ کے سائے سے محروم تھی اور جوان بھی، گاؤں میں رہنے والے ستیش کمار نے اس کا جینا حرام کررکھا تھا، ستیش کمار، ونے راے کا لڑکا ہے، اس کے مظالم سے تنگ آکر بچی نے کئی بار ستیش کے گھر والوں سے فریاد بھی کی لیکن بجائے لڑکی کی مدد کرنے کے، ہریندر راے نے لڑکی کو ستیش کے آگے خود سپردگی کا مشورہ دیا اور بصورت دیگر جان چلی جانے کا ڈر دکھایا، لڑکی نے پھر بھی منتیں کیں کہ وہ ایک مسلمان لڑکی ہے کسی غیرمسلم ہندو۔یادو سے وہ نکاح یا پیار نہیں کرسکتی، لیکن ستیش کمار بے سہارا بچی کو مسلسل ٹارچر کرتا رہاـ ۳۰ اکتوبر کو شام ۵ بجے گل ناز کسی کام سے گھر کے باہر نکلی، بدمعاش غنڈہ ستیش اپنے ساتھی غنڈوں سکل دیو اور چندن کمار کےساتھ مل کر اسے پریشان کرنے لگا، گل ناز نے مزاحمت کی، ستیش نے غصے میں آکر دونوں غنڈوں کےساتھ ملکر گل ناز پر کیروسین کا تیل چھڑکا اور زندہ جلا دیا، گل ناز ۱۵ دنوں تک زندگی اور موت کے درمیان اذیت ناک جنگ لڑتی رہی اور پھر اس کی موت ہوگئی ـ موت کے بعد اس کی ماں اور دیگر رشتےداروں نے مقتولہ کی نعش کو سڑک پر رکھ کر بھی انصاف کی بھیک مانگی جبکہ انصاف کا مطالبہ ان کا حق تھا، لیکن اب تک مجرمین آزاد ہیں، انصاف کا دور دور تک پتا نہیں ہے، مگر بہار میں موجود سیاسی لیڈرشپ سَنگھی نتیش کمار کی قیادت میں سیاسی گلیاروں میں مست ہے، مذہبی، سماجی اور ملی قیادت میں اتنی مجال نہیں ہوئی کہ اس بچی کو انصاف دلانے کے لیے نتیش کمار کے خلاف سڑک پر آ سکیں، کوئی جگہ نہیں ہے اس جھوٹ کے لیے کہ ایسے دردناک ظالمانہ واقعے کو پندرہ دن گزر گئے اور بہار کے حکمرانوں سمیت ملی و مذہبی لیڈرشپ کو اس کے بارےمیں خبر ہی نہیں ہوئی، پتا سب کو تھا لیکن اوپر سے آرڈر تھا کہ اس روح فرسا ظلم کو چھپا دیا جائے ورنہ نتیش کمار کی کرسی خطرے میں پڑجائے گی، اگر الیکشن کے وقت یہ معاملہ باہر آتا تو یقینًا ہماری بہن کو انصاف بھی ملتا اور نتیش کمار اپنے بےشمار سَنگھی مظالم کا حساب چکاتے، چنانچہ سب نے مل کر نتیش کمار کی کرسی بچانے کے لیے گل ناز کی دردناک موت سے سودا کرلیا، صرف پولیس نہیں ملی تنظیمیں، سوشل آرگنائزیشن، سیاسی پارٹیاں بلکہ بہار کا ہر ذمہ دار واقف کار اس بدبودار سودے بازی میں شریک ہےـ میرا یہ ماننا ہے کہ عصمت دری، آپسی قتل و قتال، چوری، ڈکیتی یہ سماجی جرائم کے زمرے میں ہی رہنے چاہییں، سماجی جرائم کو مذہبی عینک یا منافرت کے زاویوں سے اچھالنا شکست خورده ذہنیت کا حصہ ہے، گل ناز کے ساتھ جو کچھ ہوا وہ ہونے تک سماجی جرم، اور بدمعاشوں کا مجرمانہ معاملہ ہی ہے، لیکن اس کی موت کے بعد انصاف کا جس طرح قتل کیاگیا، اس کے جھلستے جسم کی سوزش کو جس طرح سیاست کی بھینٹ چڑھایا گیا اور اس کی مظلومیت کو عدالت سے محروم رکھنے کے لیے جو کھیل رچا گیاہے اس میں سے یقینًا تعصب کی بو آرہی ہے، مظلوم قوم کی بچی ہے اس لیے مظلومیت کو نظرانداز کیاگیا، ہمارا سسٹم اتنا سڑ گیا ہیکہ اگر مجرموں کے نام چندن، ستیش کمار کی جگہ مسلمانوں والے ہوتے تو اب تک بھونچال آچکا ہوتا، بہار کی پولیس نے نتیش کمار کو وزارت اعلیٰ کی کرسی تک پہنچانے کے لیے گل ناز کو اس کے حق سے محروم کیا اور آج نتیش وزیراعلیٰ کا حلف لے رہےہیں لیکن وہ سمجھ لیں کہ اس بچی کی آہیں اس کی ظالمانہ اور سَنگھی چیف منسٹری کو ایک دن تہس نہس کردیں گی، جن لوگوں نے نتیش کو بچانے کے لیے اب تک گل ناز سے آنکھیں موند رکھی تھیں وہ اب آئیں گے مذمتی قرارداد لے لے کر لیکن ان کے الفاظ اور بیانات نتیش کی نمک حلالی کے ساتھ ہوں گے،سپریم کورٹ صاحب کو اگر ارنب گوسوامی کی شخصی آزادی کی حفاظت سے فرصت ملی ہوتی تو شاید اس بچی کی طرف نظر پڑتی، پولیس سسٹم نے پھر سے مایوس کیا ہے، ایک بچی زندہ جلا دی جاتی ہے لیکن اس کے ساتھ انصاف نہیں ہورہا کیونکہ وہ غریب ہے، وہ مسلمان ہے، وہ درندوں کی شکار ہوئی ہے، اور درندوں کی یہاں حکمرانی ہے، بتائیے ایسے بے حس سماج کو جگانے کے لیے کیسی آگ چاہیے ہوگی؟ ہمارا دل چور چور ہوگیا اپنی بہن کی جھلسی تصویر دیکھ کر، پھر گل ناز کو انصاف سے محروم رکھنے کےلیے جو کچھ کیاگیا اس پر ہم شرمسار ہوگئے کہ ہم بھی اسی سوسائٹی کا حصہ ہیں جسے آجکل انسانوں کی سوسائٹی کہا جاتاہے، گل ناز کی تصویر ہے، اپنی بے بسی اور سماجی بے حسی ہے، اور دل و دماغ سے ٹکراتے حبیب جالب ہیں : یہ دیس ہے اندھے بہروں کا اے چاند یہاں نہ نکلا کر

بے الف خطبۂ حضرت علی المرتضی رضی اللہ عنہ

ایک مرتبہ صحابہ کی مجلس میں گفتگو چلی کہ حروف تہجی میں وہ کونسا حرف ہے جس کا استعمال اتنا زیادہ ہےکہ اس کے بغیر چارۂ کار نہیں اورایک جملہ بھی نہیں بن سکتا

مجلس میں بیٹھے تمام احباب کا اتفاق ہوگیا کہ وہ حرف "الف" ہے

سیّدنا حضرت علی المرتضیٰ کرم اللہ وجہہ بھی موجود تھے، آپ نے فی البدیہہ ایک خطبہ کہا جو اب بھی کتب میں تین سے چار صفحات پر مشتمل ہےاور پورے خطبے میں ایک بھی ،الف، نہیں ہے اسے خطبۂ مونقہ کہا جاتاہے.اس سے عربی زبان پر آپ کی قدرت کو دیکھ کر عقل حیران رہجاتی ہے.

: عربی متن

حَمِدتُ مَن عَظُمَت مِنَّتُهُ، وَ سَبَغَت نِعمَتُهُ، وَ سَبَقَت رَحمَتُهُ، وَ تَمَّت کَلِمَتُهُ، وَ نَفَذَت مَشیَّتُهُ، وَ بَلَغَت حُجَّتُهُ، و عَدَلَت قَضیَّتُهُ، وَ حَمِدتُ حَمَدَ مُقِرٍّ بِرُبوبیَّتِهِ، مُتَخَضِّعٍ لِعُبودیَّتِهِ، مُتَنَصِّلٍ مِن خَطیئتِهِ، مُعتَرِفٍ بِتَوحیَدِهِ، مُستَعیذٍ مِن وَعیدِهِ، مُؤَمِّلٍ مِن رَبِّهِ مَغفِرَةً تُنجیهِ، یَومَ یُشغَلُ عَن فَصیلَتِهِ وَ بَنیهِ، وَ نَستَعینُهُ، وَ نَستَرشِدُهُ، وَ نُؤمِنُ بِهِ، وَ نَتَوَکَّلُ عَلَیهِ، وَ شَهِدتُ لَهُ بِضَمیرٍ مُخلِصٍ موقِنٍ، وَ فَرَّدَتُهُ تَفریدَ مُؤمِنٍ مُتقِنٍ، وَ وَحَّدَتُهُ تَوحیدَ عَبدٍ مُذعِنٍ لَیسَ لَهُ شَریکٌ فی مُلکِهِ، وَ لَم یَکُن لَهُ وَلیٌّ فی صُنعِهِ، جَلَّ عَن مُشیرٍ وَ وَزیرٍ، وَ تَنَزَّهَ عَن مِثلٍ وَ نَظیرٍ، عَلِمَ فَسَتَرَ، وَ بَطَنَ فَخَبَرَ، وَ مَلَکَ، فَقَهَرَ، وَعُصیَ فَغَفَرَ، وَ عُبِدَ فَشَکَرَ، وَ حَکَمَ فَعَدَلَ، وَ تَکَرَّمَ وَ تَفَضَّلَ، لَم یَزَل وَ لَم یَزولَ، وَ لیسَ کَمِثلِهِ شَیءٌ، وَهُوَ قَبلَ کُلِّ شَیءٍ وَ بَعدَ کُلِّ شَیءٍ، رَبٌّ مُتَفَرِّدٌ بِعِزَّتِهِ، مَتَمَلِّکٌ بِقُوَّتِهِ، مُتَقَدِّسٌ بِعُلُوِّهِ، مُتَکَبِّرٌ بِسُمُوِّهِ لَیسَ یُدرِکُهُ بَصَرٌ، وَ لَم یُحِط بِهِ نَظَرٌ، قَویٌ، مَنیعٌ، بَصیرٌ، سَمیعٌ، علیٌّ، حَکیمٌ، رَئوفٌ، رَحیمٌ، عَزیزٌ، عَلیمٌ، عَجَزَ فی وَصفِهِ مَن یَصِفُهُ، وَ ضَلَّ فی نَعتِهِ مَن یَعرِفُهُ، قَرُبَ فَبَعُدَ، وَ بَعُدَ فَقَرُبَ، یُجیبُ دَعوَةَ مَن یَدعوهُ، وَ یَرزُقُ عَبدَهُ وَ یَحبوهُ، ذو لُطفٍ خَفیٍّ، وَ بَطشٍ قَویٍّ، وَ رَحمَةٍ موسِعَةٍ، وَ عُقوبَةٍ موجِعَةٍ، رَحمَتُهُ جَنَّةٌ عَریضَةٌ مونِقَةٌ، وَ عُقوبَتُهُ حَجیمٌ مؤصَدَةٌ موبِقَةٌ، وَ شَهِدتُ بِبَعثِ مُحَمَّدٍ عَبدِهِ وَ رَسولِهِ صَفیِّهِ وَ حَبیبِهِ وَ خَلیلِهِ، بَعَثَهُ فی خَیرِ عَصرٍ، وَ حینَ فَترَةٍ، وَ کُفرٍ، رَحمَةً لِعَبیدِهِ، وَ مِنَّةً لِمَزیدِهِ، خَتَمَ بِهِ نُبُوَّتَهُ، وَ قَوّی بِهِ حُجَّتَهُ، فَوَعَظَ، وَ نَصَحَ، وَ بَلَّغَ، وَ کَدَحَ، رَؤفٌ بِکُلِّ مُؤمِنٍ، رَحیمٌ، ولیٌّ، سَخیٌّ، ذَکیٌّ، رَضیٌّ، عَلَیهِ رَحمَةٌ، وَ تَسلیمٌ، وَ بَرَکَةٌ، وَ تَعظیمٌ، وَ تَکریمٌ مِن رَبٍّ غَفورٍ رَحیمٍ، قَریبٍ مُجیبٍ، وَصیَّتُکُم مَعشَرَ مَن حَضَرَنی، بِتَقوی رَبِّکُم، وَ ذَکَّرتُکُم بِسُنَّةِ نَبیِّکُم، فَعَلَیکُم بِرَهبَةٍ تُسَکِّنُ قُلوبَکُم، وَ خَشیَةٍ تَذری دُموعَکُم، وَ تَقیَّةٍ تُنجیکُم یَومَ یُذهِلُکُم، وَ تُبلیکُم یَومَ یَفوزُ فیهِ مَن ثَقُلَ وَزنَ حَسَنَتِهِ، وَ خَفَّ وَزنَ سَیِّئَتِهِ، وَ لتَکُن مَسئَلَتُکُم مَسئَلَةَ ذُلٍّ، وَ خُضوعٍ، وَ شُکرٍ، وَ خُشوعٍ، وَ تَوبَةٍ، وَ نَزوعٍ، وَ نَدَمٍ وَ رُجوعٍ، وَ لیَغتَنِم کُلُّ مُغتَنَمٍ مِنکُم، صِحَّتَهُ قَبلَ سُقمِهِ، وَ شَیبَتَهُ قَبلَ هِرَمِهِ، وَ سِعَتَهُ قَبلَ عَدَمِهِ، وَ خَلوَتَهُ قَبلَ شُغلِهِ، وَ حَضَرَهُ قَبلَ سَفَرِهِ، قَبلَ هُوَ یَکبُرُ، وَ یَهرَمُ، وَیَمرَضُ، وَ یَسقَمُ، وَ یُمِلُّهُ طَبیبُهُ، وَ یُعرِضُ عَنهُ جَیِبُهُ، وَ یَتَغَیَّرَ عَقلُهُ، وَ لیَقطِعُ عُمرُهُ، ثُمَّ قیلَ هُوَ مَوَعوکَ، وَ جِسمُهُ مَنهوکٌ، قَد جَدَّ فی نَزعٍ شَدیدٍ، وَ حَضَرَهُ کُلُّ قریبٍ وَ بَعیدٍ، فَشَخَصَ بِبَصَرِهِ، وَ طَمَحَ بِنَظَرِهِ، وَ رَشَحَ جَبینُهُ، وَ سَکَنَ حَنینُهُ، وَ جُذِبَت نَفسُهُ، وَ نُکِبَت عِرسُهُ، وَ حُفِرَ رَمسُهُ، وَ یُتِمَّ مِنهُ وُلدُهُ، وَ تَفَرَقَ عَنهُ عَدَدُهُ، وَ قُسِّمَ جَمعُهُ، وَ ذَهَبَ بَصَرُهُ وَ سَمعُهُ، وَ کُفِّنَ، وَ مُدِّدَ، وَ وُجِّهَ، وَ جُرِّدَ، وَ غُسِّلَ، وَ عُرِیَ، وَ نُشِفَ، وَ سُجِیَ، وَ بُسِطَ لَهُ، وَ نُشِرَ عَلَیهِ کَفَنُهُ، وَ شُدَّ مِنهُ ذَقَنُهُ، وَ قُمِّصَ، وَ عُمِّمَ، وَ لُفَّ، وَ وُدِعَّ، وَ سُلِّمَ، وَ حُمَلِ فَوقَ سَریرٍ، وَ صُلِّیَ عَلَیهِ بِتَکبیرٍ، وَ نُقِلَ مِن دورٍ مُزَخرَفَةٍ، وَ قُصورٍ مُشَیَّدَةٍ، وَ حَجُرٍ مُنَضَّدَةٍ، فَجُعِلَ فی ضَریحٍ مَلحودَةٍ، ضَیِّقٍ مَرصوصٍ بِلبنٍ، مَنضودٍ، مُسَقَّفٍ بِجُلمودٍ، وَ هیلَ عَلیهِ حَفَرُهُ، وَ حُثِیَ عَلیهِ مَدَرُهُ، فَتَحَقَّقَ حَذَرُهُ، وَ نُسِیَ خَبَرُهُ وَ رَجَعَ عَنهُ وَلیُّهُ، وَ نَدیمُهُ، وَ نَسیبُهُ، وَ حَمیمُهُ، وَ تَبَدَّلَ بِهِ قرینُهُ، وَ حَبیبُهُ، وَ صَفیُّهُ، وَ نَدیمُهُ فَهُوَ حَشوُ قَبرٍ، وَ رَهینُ قَفرٍ، یَسعی فی جِسمِهِ دودُ قَبرِهِ وَ یَسیلُ صَدیدُهُ مِن مِنخَرِهِ، یُسحَقُ ثَوبُهُ وَ لَحمُهُ، وَ یُنشَفُ دَمُهُ، وَ یُدَقُّ عَظمُهُ، حَتّی یَومَ حَشرِهِ، فَیُنشَرُ مِن قَبرِهِ، وَ یُنفَخُ فِی الصّورِ، وَ یُدعی لِحَشرٍ وَ نُشورٍ، فَثَمَّ بُعثِرَت قُبورٌ، وَ حُصِّلَت صُدورٌ، وَ جیء بِکُلِّ نَبیٍّ، وَ صِدّیقٍ، وَ شَهیدٍ، وَ مِنطیقٍ، وَ تَوَلّی لِفَصلِ حُکمِهِ رَبٌّ قدیرٌ، بِعَبیدِهِ خَبیرٌ وَ بَصیرٌ، فَکَم مِن زَفرَةٍ تُضنیهِ، وَ حَسرَةٍ تُنضیهِ، فی مَوقِفٍ مَهولٍ عَظیمٍ، وَ مَشهَدٍ جَلیلٍ جَسیمٍ، بَینَ یَدَی مَلِکٍ کَریمٍ، بِکُلِّ صَغیر َةٍ وَ کَبیرَةٍ عَلیمٍٍ، حینَئِذٍ یُلجِمُهُ عَرَقُهُ، وَ یَحفِزُهُ قَلَقُهُ، عَبرَتُهُ غَیرُ مَرحومَةٍ، وَ صَرخَتُهُ غَیرُ مَسموعَةٍ، وَ حُجَّتُهُ غَیرُ مَقبولَةٍ، وَ تَؤلُ صَحیفَتُهُ، وَ تُبَیَّنُ جَریرَتُهُ، وَ نَطَقَ کُلُّ عُضوٍ مِنهُ بِسوءِ عَمَلِهِ وَ شَهِدَ عَینُهُ بِنَظَرِهِ وَ یَدُهُ بِبَطشِهِ وَ رِجلُهُ بِخَطوِهِ وَ جِلدُهُ بِمَسِّهِ وَ فَرجُهُ بِلَمسِهِ وَ یُهَدِّدَهُ مُنکَرٌ وَ نَکیرٌ وَ کَشَفَ عَنهُ بَصیرٌ فَسُلسِلَ جیدُهُ وَ غُلَّت یَدُهُ وَ سیقَ یُسحَبُ وَحدَهُ فَوَرَدَ جَهَنَّمَ بِکَربٍ شَدیدٍ وَ ظَلَّ یُعَذَّبُ فی جَحیمٍ وَ یُسقی شَربَةٌ مِن حَمیمٍ تَشوی وَجهَهُ وَ تَسلخُ جَلدَهُ یَضرِبُهُ زَبینَتُهُ بِمَقمَعٍ مِن حدیدٍ یَعودُ جِلدُهُ بَعدَ نَضجِهِ بِجلدٍ جدیدٍ یَستَغیثُ فَیُعرِضُ عَنهُ خَزَنَةُ جَهَنَّمُ وَ یَستَصرخُ فَیَلبَثُ حُقبَهُ بِنَدَمٍ نَعوذُ بِرَبٍّ قَدیرٍ مِن شَرِّ کُلِّ مَصیرٍ وَ نَسئَلُهُ عَفوَ مَن رَضیَ عَنهُ وَ مَغفِرَةَ مَن قَبِلَ مِنهُ فَهُوَ وَلیُّ مَسئَلَتی وَ مُنحُجِ طَلِبَتی فَمَن زُحزِحَ عَن تَعذیبِ رَبِّهِ سَکَنَ فی جَنَّتِهِ بِقُربِهِ وَ خُلِّدَ فی قُصورِ مُشَیَّدةٍ وَ مُکِّنَ مِن حورٍ عینٍ وَ حَفَدَةٍ وَ طیفَ عَلَیهِ بِکُئوسٍ وَ سَکَنَ حَظیرَةَ فِردَوسٍ، وَ تَقَلَّبَ فی نَعیمٍ، وَ سُقِیَ مِن تَسنیمٍ وَ شَرِبَ مِن عَینٍ سَلسَبیلٍ، مَمزوجَةٍ بِزَنجَبیلٍ مَختومَةً بِمِسکٍ عَبیرٍ مُستَدیمٍ لِلحُبورٍ مُستَشعِرٍ لِلسّرورِ یَشرَبُ مِن خُمورٍ فی رَوضٍ مُشرِقٍ مُغدِقٍ لَیسَ یَصدَعُ مَن شَرِبَهُ وَ لَیسَ یَنزیفُ هذِهِ مَنزِلَةُ مَن خَشِیَ رَبَّهُ وَ حَذَّر نَفسَهُ وَ تِلکَ عُقوبَةُ مَن عَصی مُنشِئَهُ وَ سَوَّلَت لَهُ نَفسُهُ مَعصیَةَ مُبدیهِ ذلِکَ قَولٌ فَصلٌ وَ حُکمٌ عَدلٌ خَیرُ قَصَصٍ قَصَّ وَ وَعظٍ بِهِ نَصَّ تَنزیلٌ مِن حَکیمٍ حَمیدٍ نَزَلَ بِهِ روحُ قُدُسٍ مُبینٍ عَلی نَبیٍّ مُهتَدٍ مَکینٍ صَلَّت عَلَیهِ رُسُلٌ سَفَرَةٌ مُکَرَّمونَ بَرَرَةٌ عُذتُ بِرَبٍ رَحیمٍ مِن شَرِّ کُلِّ رَجیمٍ فَلیَتَضَرَّع مُتَضَرِّعُکُم وَ لیَبتَهِل مُبتَهِلُکُم فَنَستَغفِرُ رَبَّ کُلِّ مَربوبِ لی وَ لَکُم۔

اردو ترجمہ:

میں حمد کرتا ہوں۔ اس کی حمد جس کا احسان عظیم ہے، اس کی نعمت وسیع و کامل ہے اور اس کے غضب پر سبقت رکھتی ہے اس کی حجت پہنچ چکی ہے اور اس کا فیصلہ عدل پر مبنی ہے۔

اس کی حمد اس طرح کرتا ہوں جس طرح اس کی ربوبیت کا اقرار کرنے والا، اس کی عبودیت میں فروتنی کرنے والا، خطاؤں سے پ رہی ز کرنے والا، اس کی توحید کا اعتراف کرنے والا اور اس کے قہر سے پناہ مانگنے والا کرتا ہے۔

اپنے رب سے مغفرت اور نجات کا امیدوار ہوں، اس روز جب کہ ہر شخص اپنی اولاد اور عزیزوں سے بے پروا ہو گا ہم اسی سے مدد و ہدایت چاہتے ہیں۔ میں اس بندہ خالص کی طرح گواہی دیتا ہوں جو اس کے وجود پر یقین رکھتا ہو، اس کے حاکمیت میں کوئی بھی اس کا شریک اور اس کی کائنات میں کوئی اس کا ولی یا حصہ دار نہیں، اس کی شان اس سے ارفع و اعلی ہے کہ اس کا کوئی مشیر، وزیر، مددگار، معین یا نظیر ہو۔

وہ سب کا حال جانتا ہے اور عیب پوشی کرتا ہے۔ وہ باطن کی حالت سے واقف ہے۔ اس کی بادشاہت سب پر غالب ہے۔ اگر گناہ کیا جائے تو وہ معاف کر دیتا ہے اور عدل کے ساتھ حکم دیتا ہے۔ وہ فضل و کرم کرتا ہے۔ نہ اس کو کبھی زوال آیا ہے نہ آئے گا اور کوئی اس کی مثل نہیں۔ وہ ہر چیز سے پہلے بھی پرودگار ہے۔ وہ اپنی ہی عزت و بزرگی سے ہی ہر چیز پر غالب ہے۔ اور اپنی قوت سے ہی ہر شے پر قادر ہے۔ اپنے عالی مرتبہ سے ہی مقدس ہے۔ اپنی رفعت کی وجہ اس میں کبریائی ہے۔ نہ کوئی آنکھ اس کو دیکھ سکتی ہے نہ کوئی نظر اس کا احاطہ کر سکتی ہے۔ وہ قوی، برتر، بصیر، ہر بات کا سننے والا اور مہربان و رحیم ہے۔ جس نے بھی اس کا وصف کرنا چاہا وہ عاجز رہا (وصف نہ کر پایا)۔ جس نے (اپنے فہم میں) اس کو پہچانا، اس نے خطا کی۔ وہ باوجود نزدیک ہونے کے بعید ہے۔ اور دور ہونے کے باوجود قریب ہے۔ جو اس سے دعا مانگتا ہے وہ قبول کرلپتا ہے۔ اور روزی دیتا ہے اور محبت کرتا ہے، وہ صاحب لطف خفی ہے۔ اس کی گرفت قوی ہے۔ اور عنایت بہت بڑی ہے اس کی رحمت وسیع ہے۔ اس کا عذاب دردناک ہے۔ اس کی رحمت جنت ہے جو وسیع اور حیرت انگیز ہے۔ اس کا عذاب دوزخ ہے جو مہلک اور پھیلی ہوئی ہے۔

میں گواہی دیتا ہوں کہ محمد صلی اللہ علیہ و آلہ وسلم اس کے رسول، بندے، صفی،(چنے ہوئے) نبی، محبوب، دوست اور برگزیدہ ہیں۔ ان کو ایسے وقت مبعوث بہ رسالت کیا جب زمانہ نبی سے خالی تھا اور کفر کا دور دورہ تھا۔ آپ صلی اللہ علیہ و آلہ وسلم اس کے بندوں پر رحمت ہیں۔ مزید برآں اپنی نبوت کو ان پر ختم اور اپنی حجت کو مضبوط کر دیا۔ پس انہوں نے وعظ فرمایا۔ اور نصیحت کی۔ اور حکم خدا بندوں تک پہنچایا۔ اور ہر طرح کی کوشش کی۔ وہ ہر مومن پر مہربان ہیں۔ وہ رحیم، سخی اور اللہ کے پسندیدہ اور پاکیزہ ولی ہیں۔ ان پر خدا کی جانب سے رحمت و سلام، برکت وعظمت اور اکرام ہو۔ جو بخشنے والا، قریب اور دعا قبول کرنے والا ہے۔

اے حاضرین مجلس میں تمہیں تمہارے پروردگار کا حکم سناتا ہوں جو مجھے پہونچا ہے اور وصیت کرتا ہوں اورتمہیں تمہارے پیغمبر صلی اللہ علیہ و آلہ وسلم کی سنت یاد دلاتا ہوں- تمہیں چاہئیے کہ خدا سے ایسا ڈرو کہ آنکھوں سے آنسو جاری ہو جائیں اور ایسی پ رہی زگاری اختیار کرو کہ جو تم کو نجات دلائے۔ قبل اس کے آزمائش کا دن آ جائے اور تم پریشانی میں گم ہو جاؤ۔ اس روز وہی شخص رستگار ہو گا جس کے ثواب کا پلڑا بھاری اور گناہوں کا پلڑا ہلکا ہوگا۔ تم کو چاہئیے کہ جب بھی اس سے دعا کرو تو بہت ہی عاجزی اور گڑگڑا کے، توبہ اور خوشامد اور ذلت کے ساتھ دعا کرو اور دل سے گناہ کرنے کا خیال دور کر کے، ندامت کے ساتھ خدا کی طرف رجوع کرو۔

تم کو چاہئیے کہ بیماری سے قبل صحت کو اور بڑھاپے سے پہلے جوانی کو، فقر سے پہلے فراغ بالی کو اور سفر سے پہلے حضر کو اور کام میں مشغول ہونے سے پہلے فراغت کو، غنیمت جانو ایسا نہ ہو کہ پیری آ جائے اور تم سب کی نظروں میں ذلیل و خوار ہو جاؤ یا مرض حاوی ہو جائے اور طبیب رنج میں مبتلا کر دے اور احباب منہ پھیر لیں عمر کٹ چکی ہو اور عقل میں فتور آ جآئے۔

تب کہا جاتا ہے کہ بخار کی شدت سے حالت خراب ہو گئی ہے اور جسم لاغر ہو چکا ہے اور پھر جان کنی کی سختی ہوتی ہے اور قریب و بعید سے ہر کوئی اس کے ہاں آتا ہے اور اس کی آنکھیں کھلی کی کھلی رہ جاتی ہیں، پتلیاں پھر جاتی ہیں، پیشانی پر پسینہ آتا ہے۔ ناک ٹیڑھی ہو جاتی ہے اور روح قبض ہو جاتی ہے، اس کی بیوی رونے پیٹنے لگتی ہے۔ قبر کھود لی جاتی ہے اور اس کے بچے یتیم ہو چکے ہوتے ہیں۔ اس کے علاوہ اس کی نفری (یعنی ساتھی) متفرق ہو جاتی ہے۔ اعضاء شکستہ ہو جاتے ہیں اور بینائی و سماعت چلی جاتی ہے۔ پھر اس کو سیدھا لٹا دیتے ہیں اور لباس اتار کر غسل دیا جاتا ہے اور کپڑے سے جسم پونچھتے ہیں اور خشک کر کے اس پر چادر ڈال دی جاتی ہے اور ایک بچھا دی جاتی ہے اور کفن کیا جاتا ہے اور (سر پر) عمامہ باندھ کر چھوڑ دیتے ہیں اور پھر جنازہ اٹھایا جاتا ہے اور بغیر سجدہ و تعفیر کے صرف تکبیر کے ساتھ اس پر نماز پڑھی جاتی ہے۔ آراستہ طلائی تختوں اور مضبوط محلوں کے نفیس فرش والے کمروں سے لا کر اس کو تنگ لحد میں ڈال دیتے ہیں اورتہہ بہ تہ اینٹوں سے قبر بنا کر پتھر سے پاٹ کر اس پر مٹی ڈال دی جاتی ہے اور ڈھیلوں سے پر کر دی جاتی ہے۔ میت پر وحشت چھا جاتی ہے مگر کسی کو معلوم نہیں ہوتا۔ دوست و عزیز اس کو چھوڑ کر پلٹ جاتے ہیں اور سب بدل جاتے ہیں اور مردہ کی قبر پر کیڑے دوڑتے پھرتے ہیں اس کی ناک سے پیپ بہنے لگتی ہے اور اس کا گوشت خاک ہونے لگتا ہے اس کا خون دونوں پہلوؤں میں خشک ہو جاتا ہے اور ہڈیاں بوسیدہ ہو کر خاک ہونے لگتی ہیں۔ وہ روز قیامت تک اسی طرح رہتا ہے یہاں تک کہ خدا پھر اس کو زندہ کر کے قبر سے اٹھاتا ہے۔

جب صور پھونکا جائے گا تو وہ قبر سے اٹھے گا اور میدان حشر و نشر میں بلایا جائے گا اور اس وقت اہل قبور زندہ ہوں گے اور قبر سے نکالے جائیں گے اور ان کے سینہ کے راز ظاہر کیے جائیں گے اور ہر نبی، صدیق و شہید حاضر کیا جائے گا اور فیصلہ کے لیے رب قدیر جو اپنے بندوں کے حالات سے آگاہ ہے، جدا جدا کھڑا کرے گا۔ پھر بہت سی آوازیں اس کو پریشانی میں ڈال دیں گی اور خوف و حسرت سے وہ ناچار ہو جائے گا اور اس بادشاہ عظیم کی بارگاہ میں جو ہر چھوٹے اور بڑے گناہ کو جانتا ہے ڈرتا ہوا جاضر ہو گا اس وقت گناہوں کی شرم سے اس قدر پسینہ بہے گا کہ منہ تک آ جائے گا اور اس کو اس سے قلق ہو گا۔ وہ بہت نالہ و زاری کرے گا مگر کوئی شنوائی نہ ہو گی اور اس کے سارے گناہ ظاہر کر دیے جائیں گے اور اس کا نامہء اعمال پیش کیا جائے گا۔ پس وہ اپنے اعمال بد کو دیکھے گا اور اس کی آنکھیں اس کی بد نظری کی اور ہاتھ، بیجا مارنے کی اور پاؤں، (برے کام کی جانب) جانے کی اور شرم گاہ، بدکاری کی اور جلد، مس کرنے کی گواہی دیں گے۔ پس اس کی گردن میں زنجیر ڈال دی جائے گی اور مشکیں کس دی جائیں گی۔

پھر کھینچ کر جہنم میں ڈال دیا جائے گا اور وہ روتا پیٹتا داخل جہنم ہو گا۔ جہاں اس پر سخت عذاب کیا جائے گا۔ جہنم کا کھولتا ہوا پانی اس کو پینے کو ملے گا۔ جس سے اس کا منہ جل جائے گا۔ اس کھال نکل جائے گی۔ فرشتے آہنی گرزوں سے اس کو ماریں گے اور کھال اڑ جانے کے بعد نئی کھال پھر پیدا ہوگی وہ بہت کچھ آہ و فریاد کرے گا مگر جہنم کے فرشتے اس کی طرف سے منہ پھیر لیں گے۔ اس طرح ایک مدت دراز تک وہ عذاب میں مبتلا اور نادم رہے گا اور استغاثہ کرتا رہے گا۔

میں پروردگار قدیر سے پناہ مانگتا ہوں کہ وہ مجھے ہر مضر شے کے شر سے محفوظ رکھے اور میں اس سے ایسی معافی کا خواستگار ہوں جیسے اس نے کسی شخص سے راضی ہو کر اس کو عطا کی ہو اور ایسی مغفرت چاہتا ہوں جو اس نے قبول فرمائی ہو۔

پس وہی میری خواہش پوری کرنے والا اور امیدوں کا برلانے والا ہے جو شخص مستحق عذاب نہیں ہے وہ بہشت کے مضبوط محلوں میں ہمیشہ رہے گا اور حورعین اور غلمان (خادم) اس کی ملکیت ہوں گے جام ہائے کوثر سے سیراب ہو گا اور حدود قدس میں مقیم ہو گا۔ نعمت ہائے بہشت میں متصرف رہے گا اور نہر تسنیم کا پانی پئے گا اور چشمہ سلسبیل سے جس میں سونٹھ ملی ہوئی اور مشک و عنبر کی مہر لگی ہوئی ہے سیراب ہو گا اور وہاں کا دائمی مالک ہوگا وہ معطر شراب پئے گا مگر نہ اس سے خمار ہو گا اور نہ حواس میں فتور آئے گا۔ یہ مقام و منزلت اس شخص کی ہے جو خدا سے ڈرتا اور گناہوں سے بچتا ہے اور وہ والا عذاب اس شخص کے لیے ہے جو اپنے خالق کی نافرمانی کرتا اور خواہشات نفسانی سے گناہوں کا مرتکب ہوتا ہے۔ پس یہی فیصلہ کن بات اور منصفانہ حکم ہے اور بہترین قصہ و نصیحت ہے۔ جس کی صراحت خداوند حکیم و حمید نے اس کتاب میں فرمائی ہے جو روح القدس نے ہدایت یافتہ راست باز پیغمبر صلی اللہ علیہ و آلہ وسلم کے قلب مبارک پر نازل فرمائی۔ میں پروردگار علیم و رحیم و کریم سے پناہ مانگتا ہوں کہ وہ مجھ کو ہر لعین و رجیم دشمن کے شر سے بچائے۔ پس اس کی بارگاہ میں عاجزی کرنے والوں کو چاہئیے کہ عاجزی

 کریں اور دعا کرنے والے دعا کریں اور تم میں سے ہر شخص میرے اور اپنے لیے استغفار کرے۔ میرا پروردگار اکیلا ہی میرے لیے کافی ہے۔

(شرح نہج البلاغہ :ابن ابی حدید معتزلی)

حضرت علی کرم اللہ وجہہ کی طرف اس خطبہ کی نسبت مشکوک ہونے کے باوجود عربی کا یہ ایک عظیم شاہکار ہے.

مولاناعبداللہ کاشفی رحمہ اللہ

میرے چچاجان حضرت مولاناعبداللہ بن الحاج چندرخان علیہ الرحمہ نے طویل علالت کے بعد بتاریخ 5نومبر2020 مطابق 15ربیع الاول 1442ھ بوقت 3بجے دن وفات پائی اناللہ واناالیہ راجعون.

آنے جانے پہ سانس کے ہےمدار

سخت ناپائیدار ہے دنیا

 وہ دوسال سے تقریبا صاحب فراش تھے .ذیابیطس,بلڈ پریشر,اور ضیق النفس جیسے موذی امراض کی بناپرچلنے پھرنے سے مکمل طور پر عاجز ہوگئے تھے لیکن بیماری کے دوران  اخیرتک ہوش وحواس مکمل طور پرصحیح سلامت رہے.5نومبر بعد نماز عشاء راقم الحروف نے مرحوم کی نماز جنازہ پڑھائی.نماز سے پہلے احباب کے اصرار پرمختصربیان بھی کیا

انہوں نے بحالت یتیمی پرورش پائی .ماں باپ کاسایہ بچپن ہی میں سرسے اٹھ گیاتھا.مختلف مدارس میوات میں تعلیم حاصل کی.زمانۂ طالبعلمی میں مدارس  کی سرزنش وزدوکوب کے ماحول سے بچپن میں ان کادل اچاٹ ہوگیاتھااسی لئےباربار مدارس سے فرار ہوجاتے تھے.والد صاحب انہیں باربار تلاش کرکے لاتے پھرکسی مدرسہ میں داخلہ دلادیتے اور وہ پھروہاں سے راہ فرار اختیار کرلیتے.یہ سلسلہ سالہا سال چلتا رہا.  آج میں سوچتا ہوں تو میں یقین کیساتھ کہہ سکتا ہوں کہ اس کی وجہ مدارس میں طلباء کی بے تحاشہ پٹائی اورمدرسین کی سختی  ہوتی تھی.اس غیرشرعی طریقۂ کار نے نہ معلوم کتنے بچوں کودینی تعلیم حاصل کرنے سے روک دیا اور نہ جانے کتنی بڑی تعداد دینی تعلیم سے متنفر ہوکر ہمیشہ کے لئے تشنۂ علم رہ گئ.حضرت تھانوی اور دیگر محققین علماء نے مدارس میں طلباء کی اس بیجا پٹائی سے سختی کے ساتھ روکا ہے.اور اسے حرام قرار دیا ہے .لیکن افسوس مدارس میں اساتذہ طلباء کوجس  بے دردی  سے ہمارے زمانے میں مارتے تھے اس کی بناپر خود مجھے بھی اپنے زمانۂ طالبعلمی میں مدارس سے نفرت سی ہوگئ تھی .حتی کہ مجھے ان لوگوں اور گاؤں کے باشندوں سے بھی نفرت تھی جو مدارس کے قریب رہتے تھے.میں مدرسہ میل کے آس پاس آباد چھوٹے چھوٹے گاؤں جیسے کھیڑا,وغیرہ کے مکینوں کو اپنے بچکانہ دل میں پاگل سمجھتاتھا, دل میں کہتاتھایہ لوگ ان گاؤں میں کس طرح رہتے ہیں جبکہ یہاں سب سے بڑی آفت و مصیبت مدرسہ موجود ہے! جہاں اساتذہ طلباء کوجانورکی طرح مارتے ہیں اور کھانے کے لئے اتناسادہ کھانادیتے ہیں جسے انسان صرف جان بچانے کے لئے ہی شدید بھوک کی حالت میں کھاسکتاہے.اور مزدوروں سے زیادہ کام لیتے ہیں .نہ لباس کی فکر نہ بیماری کاپتہ نہ آرام کی خبر.میرا خیال تھا کہ جیل میں لوگ ان مدارس سے زیادہ آزاد اور آرام میں رہتے ہوں گے

تبارک اللہ ازیں فتنہا کہ درسرماست

 . بہرکیف چچاجان نے اسی بھاگم بھاگ میں بالآخرمدرسہ کاشف العلوم مسجد بنگلہ والی مرکز حضرت نظام الدین دہلی سے فضیلت کی سند حاصل کی. ان کے اساتذہ میں مولانا محمد ایوب بن میانجی موسی گھاسیڑہ (والد محترم مولانا محمد قاسم بانئ دارالعلوم محمدیہ میل کھیڑلا), مولانا غلام قادرکشمیری,مولانا محمد اسحاق اٹاؤڑی شیخ الحدیث مدرسہ معین الاسلام نوح,مولانانیاز محمد خلیفہ شیخ الاسلام حضرت مولانا حسین احمد مدنی,مولانا محمد صدیق شیخ الحدیث مدرسہ نوح,مولانا شبیراحمد بن منشی بشیراحمد رحمہ اللہ,مولانا اظہارالحسن  کاندھلوی وغیرہ قابل ذکر ہیں,والد صاحب نے بھی انہیں مدرسہ افضل العلوم تاج گنج آگرہ میں ابتدائی عربی فارسی کی کتابیں گلستاں بوستاں,نحومیرصرف میر وغیرہ پڑھائی تھیں. مرکزنظام الدین سے فارغ التحصیل ہونے کے بعدسے ہی گوڑیانی ضلع ریواڑی اورعلاقۂ جھجر میں  امامت کے فرائض انجام دیتے رہے.اور یہ سلسلہ چالیس سال سے زیادہ عرصہ پر محیط ہے.

راقم الحروف کوبارہا  چچاجان نے گوڑیانی اور علاقۂ جھجر آنے کی دعوت دی لیکن اپنی کاہلی کی بناپرکبھی حاضر نہ ہوسکا.وہاں کے مسلمانوں کی حالت زار, دین سے دوری اور دینی دعوت کے واقعات اکثر سناتے تھے.

میں نے ایک روزاپنے والدگرامی حضرت مولانارحیم بخش علیہ الرحمہ سے دریافت کیا:چچاجان جب باربار مدارس سے بھاگ جاتے تھے تو آپ کیوں ان کوپڑھانے کے درپے تھے؟رہنے دیتے!توآپ نے اس کا جو جواب  دیاتھاوہ یقیناََ آب زر سے لکھنے کے قابل ہے.انہوں نے فرمایا"میں اس لئے ان کوتلاش کرکے باربار مدارس میں داخل کرتاتھا کیونکہ مجھے یہ خوف دامن گیرتھا , کہیں میرے ماں باپ روز محشر مجھ سے  پوچھ  بیٹھے ہم نے ایک یتیم بچہ چھوڑا تھا تم اسے بھی نہ پڑھاسکے!  تومیں انہیں کیاجواب دوں گا"اس لئے جب تک وہ فارغ التحصیل نہ ہوگئے میں چین سے نہ بیٹھا". میں نے عرض کیا لیکن آپ تو تین بھائی بہن ہیں  .آپ کی بہن بھی توہیں ؟انہوں نے فرمایا :لڑکی ہونے کی وجہ سے ان کی تعلیم کا کوئی انتظام اس دور میں ہم جیسے مفلوک الحال لوگوں کے لئے ممکن نہ تھا البتہ لڑکوں کے لئے مدارس موجودتھے .اس لئے جوممکن تھا اس پرعمل کرنا میں اپنا فرض سمجھتاتھا.

چچاجان خودبھی اکثر اپنے واقعات بیان فرمایاکرتے تھے ایک مرتبہ فرمایا جب ہماری شادی ہوئی توسنگار سے سرائے گاؤں برات گئ .اس میں تمہارے بڑے بھائی قاسم بھی تھے. جوبچپن میں ہی تقریبا تین سال کی عمر میں فوت ہوگئے تھے.وہ اتنے چھوٹے تھے کہ برات کا مفہوم نہیں جانتے تھے البتہ جماعت کے لفظ سےواقف تھے کیونکہ تبلیغی جماعتوں کی آمدورفت میوات میں عام تھی.غرض سرائے گاؤں کے کسی شخص نے ان سے پوچھا: کہاں سے آئے ہو؟تو انہوں نے کہا جماعت میں آیاہوں. اس وقت ان کی عمرتین سال تھی. تین سال کی عمر میں ڈھائی پارہ قرآن مجید انہیں حفظ یادتھا.مولاناعبدالکریم بن میانجی موسی رحمہ اللہ جو اس دور میں مدرسہ مصباح العلوم سنگار کے ناظم تھے اور والد صاحب سے گہرے تعلقات کی بناپراکثر گھرتشریف لاتے تھے پہلی بار اتنے چھوٹے بچے  سے قرآن مجید سن کر دنگ رہ گئے.

جب راقم الحروف قصبہ کاماں کے مدرسہ کاشف العلوم میں تحفیظ قرآن کا طالب علم تھا تو چچاجان وہاں مجھ سے ملنے آئے.اور کپڑے دھونے کے پانچ بھائی صابن  دلاکر چلے گئے میں ان کے پیچھے پیچھے ہولیا اس امید پرکہ شاید اس جنجال سے مجھے ہمیشہ ہمیش کے لئے آزاد کراکے لیجائیں گے!لیکن  ایسا نہ ہوسکا انہوں مجھے اپنے پیچھے آتے دیکھا تو سبب دریافت کیا. میرے پاس  بتلا نے کے لئے رونے کے علاوہ الفاظ نہ تھے.لہذا میں نے رونا شروع کردیا وہ مجھے  بازار سے مدرسہ میں چھوڑکر ڈانٹتے ہوئے چلے گئے کہ اب میرے پیچھے مت آنا مدرسہ میں محنت سے پڑھو.

میل کھیڑلاء میں دوران تعلیم مجھے منطق و فلسفہ سے دلچسی تھی.علامہ تفتازانی کی شرح تہذیب کی اردو شرح مصباح التہذیب میں نے کہیں دیکھی توعاریتاََ لےلی ,میں اسے چھٹیوں میں گھرلے آیا ایک روز چچاجان تشریف لائے توکتاب دیکھ کرفرمایا یہ کس کی کتاب ہے؟میں نے کہا میری ہے.فرمایامنطق وفلسفہ میں اتنی محنت کرنے سے کوئی فائدہ نہیں .محنت قرآن وحدیث میں کرنی چاہئے.منطق وفلسفہ میں مہارت عام طورپرالحاد لاتی ہے."

پھروہ کتاب اٹھاکرلے گئے جب میں نے بہت اصرار کیا تو عرصۂ دراز کے بعداس تنبیہ کے ساتھ واپس کی کہ جس سے لی ہے اسے واپس کردینا.اس وقت میں نے نادانی کی بناپر یہ سمجھا کہ منطق و فلسفہ پر زیادہ توجہ نہ دینے کامشورہ غلط تھا حالاں کہ تجربات نے یہ ثابت کیا ہے کہ یہ مشورہ بالکل درست تھا.منطق وفلسفہ صرف معاون ہیں اصل نہیں. اصل قرآن حدیث فقہ وتفسیرہی ہیں.

والد صاحب سے کسی بات پر ایک  مرتبہ ان بن ہوگئ تھی پھر عرصہ کے بعد افہام وتفہیم سے احباب نے دونوں کاسمجھوتہ کروایاتو دونوں بھائی دیر تک بچوں کی طرح گلے مل کر سرعام روتے رہے.اور سارے گلے شکوے فی الفور کافور ہوگئے.

بچھڑا کچھ اس ادا سے کہ رت ہی بدل گئی

اک شخص سارے شہر کو ویران کر گیا

***

 مفتی رشیداحمدمالپوری رحمہ اللہ

ڈاکٹرمفتی محمدعامرالصمدانی 

قاضئ شریعت دارالقضاء

 آل انڈیا مسلم پرسنل لاء بورڈ علی گڑھ

حضرت مولانامفتی رشید احمد مالپوری رحمہ اللہ میوات کے ممتازعلماء وفقہاء کے سرخیل ,اپنے وقت کے جید ومستند عالم تھے,ان کے والد گرامی حضرت مولاناعبداللہ مالپوری قدس سرہ  بھی  میوات میں اپنے وقت کے بے نظیر و جید عالم دین باکمال مناظرومصلح اور میوات کے محسنین میں سے تھے وہ موضع دھیرنکی یا دھیرنکا میں پیداہوئے تقریبا بیس باییس سال کی عمر میں میوات کے ایک بزرگ سے 'رسالۂ بے نمازاں' سن کر مشرف بہ اسلام ہوئے اور 'سین' کے بجائے عبداللہ نام رکھا مدرسۃ الاصلاح سرائے میر میں ابتدائ عربی فارسی پڑھی ڈابھیل میں علامہ انور شاہ کشمیری کی خدمت میں شرف تلمذ حاصل کیامشہور مفسر قرآن مولاناعبیداللہ سندھی کے شاگرد رشید مولانا احمد علی کی خدمت میں لاہور گئےدارالعلوم دیوبند سے فارغ التحصیل ہوکرمیوات میں اصلاح المسلمین کابیڑااٹھایا .گوت پال کی رسوم باطلہ کے خلاف آوازاٹھائی ,جبکہ میوات کے مسلم معاشرہ میں گوت بچاکرہندوانہ طرزپرشادی کرناضروری سمجھاجاتاتھا اور اس کے خلاف  اٹھنے والی  ہرآواز کے خلاف پوری میو قوم  متحد ہوجاتی تھی ایسے وقت اس جاہلانہ طریق کے خلاف بات کرناجوئے شیرلانے سے کم نہ تھا 

میرے والد صاحب مرحوم ان کی خداترسی للہیت اور مناظروں کا ذکراکثرفرماتے تھے . ایک مرتبہ فریق مخالف مولاناعبداللہ سے حوالہ دینے کے باوجود باربار مطالبہ کرتے رہے اس پر آپ نے فرمایا:"لایوچھورا اینٹ البحرے"مراد یہ تھاکہ یہ لاتوں کے یار باتوں سے نہیں مانیں گےاور اس کے لئے بحررائق کے محاذی "اینٹ البحر"کی اصطلاح فی الفور وضع کردی والد صاحب فرماتے تھے کہ میں نے انہیں اونٹ پر سواری کرتے بارہادیکھاتھا.بہرکیف مفتی صاحب انہی کے فرزندرشید تھے. میل کھیڑلا کے سالانہ اجلاس میں اکثر ان کی شرکت ہوتی تھی .میں نے دارالعلوم محمدیہ میل کھیڑلا میں ہی پہلی بارانہیں دیکھا تھا.میری طالبعلمی کازمانہ تھا,مدرسہ میں ششماہی یاسالانہ امتحانات چل رہے تھے.مفتی صاحب کی شہرت علمی اورتفوق سے نہ صرف ہم لوگ واقف تھے بلکہ  ممتحن ہونے کی وجہ سے ان کےنام سےسہمے ہوئے بھی تھے.ان کاقیام کتب خانہ میں رکھاگیاتھا,مولاناعلی محمد صاحب (ہرواڑی )مرحوم نے میری ڈیوٹی لگائی کہ کتب خانہ میں کتابوں کوترتیب سے صاف کرکے لگادوں.مفتی رشیداحمد صاحب یہاں قیام کریں گے اور ہدایہ اولین کاامتحان لیں گے.میں نے کتابیں ترتیب سے لگائیں .اس وقت کتب خانہ مولاناعلی محمدصاحب رحمہ اللہ( ہرواڑی) کےحجرے سے متصل قدیم بلڈنگ میں تھا اس کے نیچے اناج کاگودام ہواکرتاتھا.مدرسہ کی وہ سب سے قدیم عمارت تھی اس میں نیچے مطبخ ,گودام پولی,اوراوپردفترنظامت واہتمام تھا.جس میں اکثرحضرت مولانامحمدعثمان روپڑاکا مدظلہ  بیٹھتے تھے.کبھی کبھی مہتمم صاحب رحمہ اللہ  بھی تشریف فرماہوتے تھے.مفتی رشید صاحب نے ہماراہدایہ اولین کا امتحان لیا. ہدایہ اولین مولاناسعیدالرحمان بستوی پڑھایاکرتے تھے وہ اسی سال دارالعلوم دیوبند سے فارغ التحصیل ہوکرآئے تھے.عربی زبان وادب سے انہیں خصوصی دلچسی تھی.مولاناوحیدالزماں کیرانوی علیہ الرحمہ کے خاص شاگرد تھے.مجھ پر ان کی خصوصی شفقت وعنایات تھیں.عطیۃ الابراشی کی ایک افسانوی کتاب بھی انہوں نے مجھے خاص طورپر پڑھائی تھی.وہ ہدایہ کی عربیت کے بہت مداح اوراردوشروحات کے مخالف بلکہ متنفر تھے,متن پرخاص توجہ دیتے لمبی چوڑی تقریرات سے گریز کرتے خدامعلوم حیات ہیں یاحیات جاویدکے زیرسایہ ابدی نیند سوگئے,حل عبارت پر توجہ مرکوز رکھتے تھے.مفتی صاحب نے کتاب الطہارۃ سے عبارت پڑھنے کا حکم دیا کسی سے صرف عبارت پڑھوائی کسی سے ترجمہ کرایا میں نے اپنی باری پرعبارت پڑھی ترجمہ کیا .میں آج بھی اس عبارت کو نہیں بھولتاجواب سے تقریبا تیس سال پہلے میری زبان پرایسی آئی کہ بھلائے نہیں بھلتی چونکہ اس کاتعلق وضوسے ہے اس لئے اب بھی اکثرزبان پر آجاتی ہے .عبارت یہ تھی: والوعیدلعدم رؤیتہ سنۃ.مفتی صاحب نے فرمایا اس کا ترجمہ کرومطلب بتاؤ.میں نے بین السطور حواشی کی مدد سے اس کاترجمہ اور مطلب بتایا,فرمایارؤیتہ میں ضمیر کامرجع کیا ہے؟میں نے عرض کیا الثلاث.,پھرجلدی سے حاشیہ پڑھنے کے بعد مطلب بتایاکہ یہ ایک سوال مقدر کا جواب ہے,سوال یہ ہے کہ  اگر کسی نے تین مرتبہ سے زیادہ یاکم اعضاء وضوکودھویاتویہ بھی جائزہے, البتہ تین مرتبہ دھونے کوسنت نہ سمجھناخلاف سنت ہونے کی بنا پرگناہ ہے  حدیث میں اس پر وعید بھی آئی ہے.اور عبارت کا ترجمہ یہ ہے:وعید تین مرتبہ اعضاء وضودھونے کو سنت  نہ سمجھنے کی بناپر ہے.مجھے اچھی طرح سے یاد ہے کہ مفتی صاحب نے پچاس اعلی ترین نمبرات میں سے مجھے 51نمبرات سے نوازا.تب سے یہ عبارت ذہن میں ایسی رچ بس گئ کہ نوک زبان رہتی ہے. اس کے بعدمفتی صاحب سے تقریب بہرملاقات کا سلسلہ  اللہ کی طرف سے ایسا مقررہواکہ جب بھی علی گڑھ سے میوات جاناہوتا اکثرملاقات کے لئے میں حاضرہوجاتا.ایک مرتبہ میں مدرسہ عبدیہ ہتھین میں حاضرہواتوخیریت معلوم کرنے بعد پوچھاپچانکامیں تمہاری سسرال کس خاندان میں ہے.؟میں نے تفصیل بتائی توفرمایامیری بھی سسرال پچانکامیں ہے.پھرکئ نام ذکرکئے .ان کے برادرخوردمولانانورالدین مرحوم سے بھی اکثرملاقات ہوتی تھی.مدرسہ کے کتب خانہ میں تذکرہ علماء پنجاب مطبوعہ لاہور میں نے مطالعہ کے لئے لی تومولانانے دریافت کیا پنجاب ہی کے علماء کا تذکرہ کیوں آپ پڑھ رہے ہیں ؟میں نے بتایاکہ علی گڑ مسلم یونیورسٹی سے مجھے یہ ریسرچ کا موضوع ملا ہے:'مشرقی پنجاب کا عربی زبان وادب میں حصہ,ایک تنقیدی مطالعہ 1947تک'اس لئے اس کامطالعہ کررہاہوں .مفتی صاحب سے میں نے ان کے والد گرامی سے متعلق دریافت کیاکہ عربی زبان میں بھی ان کی کوئی تصنیف ہے؟فرمایانہیں.

مفتی صاحب کے چھوٹے بھائی مولانابشیراحمد راشد الامینی  علیہ الرحمہ میرے والد محترم  مولانا رحیم بخش رحمہ اللہ (متوفی 28مئ 2005)کے ہم جماعت تھے.ان سے بھی دارالعلوم محمدیہ میل کھیڑلا میں اکثر شرف نیاز ہوتارہتاتھا.ایک مرتبہ مہتمم صاحب حضرت مولانا محمدقاسم نوراللہ مرقدہ نے وفاق میوات کے نام سے ایک تنظیم بنائی اس کا پہلا اجلاس میل کھیڑلا میں ہوا مدعووین میں سبھی مشاہیر وسرکردہ علما ء میوات تھے :ان میں مفتی رشید احمد مالپوری ,مولانابشیراحمد راشدالامینی ,مولامحمدقاسم شیرپنجاب,مفتی جمال الدین الوری رحمہم اللہ ,وغیرہ قابل ذکرہیں.

اب انہیں ڈھونڈوچراغ رخ زیبا لے کر.

میرے ذمہ استقبالیہ میں مہمانان گرامی کے نام پتے درج کرنے اور مہمان خانہ تک پہنچانے کی خدمت سپرد تھی,اس لئے سبھی سے تعارف ہوگیاتھا.

مفتی صاحب ان دنوں بھی دارالعلوم محمدیہ میل کھیڑلا کے کتب خانہ ہی میں منہمک نظر آئے. مفتی رشید احمد کوجوبات عام علماء میوات سے ممتاز کرتی تھی وہ ان کا تبحرعلمی زہد وتدین اور انہماک کتب تھا.مدرسہ عبدیہ ہتھین میں ان کا کتب خانہ نایاب ونادرذخیرۂ کتب پر مشتمل ہے.فقہ وفتاوی کی زیادہ ترمعروف ومتداول کتابیں وہاں موجود ہیں.انہوں نے مدرسے کی تعمیرات پرکبھی زورنہیں دیالیکن کتابوں کے بارے میں ان کا رویہ بالکل مختلف تھا.مالپوری میں ان کاذاتی ذخیرۂ کتب اور بھی عظیم الشان ہے.اس جلالت علمی کے باوجود ان کی سادگی بے نفسی وبے نیازی قابل دید تھی.مالپوری میں انہیں اس نہایت سادگی میں دیکھ کردل کوجلاء ملتی تھی,مدرسہ عبدیہ ہتھین ہمارے زمانے میل کھیڑلاہی کی طرح تعلیمی اعتبارسے مشہورومعروف ادارہ تھا.لیکن اساتذہ وطلباء کے مابین ایک حادثہ پیش آگیابڑی جماعت کے طلباء نے ایک استاذ کی شان میں گستاخی کردی اس کے بعد سے ہی مفتی صاحب مرحوم نے تعلیم کے ساتھ ساتھ تربیت پرمزیدزوردینے کا عہد کیااور عربی کے طلباء کے بجائے تجوید و قرأت اور مکتب کی تعلیم کوترجیح دی.

1989میں جب میراداخلہ دارالعلوم دیوبند میں ہواتووہاں طلباء میوات کی انجمن اصلاح البیان کی الماری میں انجمن کے اصول و ضوابط پرمشتمل ایک کتابچہ چلا آتاتھاجومفتی رشید احمد مالپوری علیہ الرحمہ نے اپنے ہاتھ سے کتابت کیاتھا.ہم اراکین انجمن اسے احتیاط سے محفوظات قدیمہ میں رکھتے تھے.خدامعلوم وہ تحریراب محفوظ ہے یانہیں!

میں نے انہیں حضرت مولانامسیح اللہ خان صاحب جلال آبادی رحمہ اللہ کی خدمت میں ان دنوں دیکھا تھا جب میں دارالعلوم دیوبند میں درجۂ ششم کا طالب علم تھا.یہ 1989کا واقعہ ہے.اس کے بعد میں نے بھی حضرت مسیح الامت کی خدمت میں دیوبند سے گاہے گاہے جانا شروع کردیا,حضرت کوچندخطوط بھی لکھے آپ کے جوابی گرامی نامے آج بھی میرے پاس محفوظ ہیں.

مجھے یہ جان کرسخت افسوس ہواکہ حضرت مفتی صاحب قدس سرہ کو حضرت مسیح الامت سے خلافت نہیں ملی.جبکہ مفتی صاحب سالہاسال آپ کی خدمت میں باریاب رہے.اوربالآخر جامعہ  اشرفیہ لاہور کے استاذ حدیث حضرت مولاناوکیل خان شیروانی رحمہ اللہ (متوفی 2016)نے خلافت دی جواپنے والد مولانا عبدالجلیل خان شروانی رحمہ اللہ کے واسطے سےحضرت تھانوی کے سلسلۂ بیعت وارشادکے رکن رکین تھے.

 مفتی رشید احمد علیہ الرحمہ عرصۂ دراز سے صاحب فراش تھے,عالمی وباکوروناوائرس کے سال 2020میں جن مقتدرعلمی دینی اور ملی شخصیات نے وفات پائی ان میں ایک نام مفتی رشید احمد نوراللہ مرقدہ کا بھی ہے.

افسوس آج جبکہ میں یہ تحریر سپرد قرطاس کررہاہوں بروز جمعرات بتاریخ 5نومبر2020مطابق 15ربیع الاول1442ھ بوقت 3بجے سہ پہرہمارے چچاجان مولاناعبداللہ کاشفی بن الحاج چندرخاں کا طویل علالت کے بعد سنگار میوات میں انتقال ہوگیا.مرحوم 40سال سے زیادہ عرصہ تک گوڑیانی ضلع ریواڑی وعلاقۂ جھججر ہریانہ میں امامت کے فرائض انجام دیتے رہے.

مولاناعبداللہ مالپوری رحمہ اللہ کے زہدوتقوی اورشہرت دوام کی بناپرہی ان کا نام عبداللہ رکھاگیاتھا رحمہ اللہ رحمۃ.

حوادث اور تھے پران کاجانا

عجب اک سانحہ ساہوگیاہے

اب میوات کی سنگلاخ سرزمین سے ایسے صاحب تقوی وطہارت بے لوث و بے نفس بزرگ عالم دین کی نشونماکے آثارناممکن تو نہیں البتہ مفقودضرورنظر آتے ہیں.حضرت مولانا محمدقاسم نوراللہ مرقدہ مہتمم دارالعلوم محمدیہ میل کھیڑلا کی وفات کے بعد مفتی صاحب کی وفات علاقۂ میوات کے لئے سب سے بڑا سانحہ ہے.

مقدور ہوتو خاک سے پوچھوں کہ او لئیم

تونے وہ گنجہائے گرامایہ کیا کیئے

***

سیرت نبوی میں مزاح وظرافت کے واقعات

 

        حضرت انس فرماتے ہیں کہ ایک شخص نے رسول صلی اللہ علیہ وسلم سے سواری طلب کی , آپ نے فرمایا: میں تمہیں سواری کے لئے اونٹنی کا بچہ دوں گا , سائل نے عرض کیا : میں اونٹنی کے بچے کا کیاکروں گا ؟ رسول صلی اللہ علیہ وسلم نے فرمایا :کیا اونٹنی اونٹ کے علاوہ بھی کسی کو جنتی ہے؟

 (عن أنس رضی اللّٰہ تعالٰی عنہ ان رجلاً استحمل رسول اللّٰہ صلّی اللّٰہ علیہ وسلم فقال انی حاملک علی ولد ناقةٍ فقال ما اصنع بولد الناقةِ فقال رسول اللّٰہ صلی اللّٰہ علیہ وسلم وہل تلد الابل الا النوق (مشکوٰة ص۴۱۶)

                 یہاں نبئ کریم صلی اللہ علیہ وسلم نے سائل سے مزاح بھی فرمایا اور اس میں حق اور سچائی کی رعایت بھی فرمائی سواری طلب کرنے پر آپ نے جب اونٹنی کا بچہ مرحمت فرمانے کا وعدہ فرمایاتو سائل کو تعجب ہوا کہ مجھے سواری کی ضرورت ہے اوراونٹنی کا بچہ اس قابل نہیں ہوتا کہ اس پر سواری کی جائے تو آپ صلی اللہ علیہ وسلم نے اس کے تعجب کو دور کرتے ہوئے اور اپنے مزاح کا انکشاف کرتے ہوئے فرمایا کہ بھائی میں تجھے سواری کے قابل اونٹ ہی دے رہا ہوں مگر وہ بھی تو اونٹنی ہی کا بچہ ہے۔

               

                (حضرت انس سے مروی ہے کہ رسول اللہ صلی اللہ علیہ وسلم نے ان سے فرمایا اے دوکان والے)(مشکوٰة ص۴۱۶)

                رسول اللہ صلی اللہ علیہ وسلم کا حضرت انس سے ”اے دو کان والے“ کہنا بھی ظرافت اور خوش طبعی کے طورپر تھا۔  ظرافت کا یہ انداز  ہمارے عرف میں بھی رائج ہے ,مثلاً کبھی اپنے بے تکلف دوست سے یا ذہین طالب علم سے ناراضگی کا اظہار اس انداز میں کیاجاتا ہے کہ ایک چپت رسید کروں گا تو تمہارا سر دوکانوں کے درمیان ہوجائے گا۔ حالانکہ وہ پہلے سے وہیں پر ہوتا ہے۔

                عن انسٍ عن النبی صلی اللّٰہ علیہ وسلم قال لامرأةٍ عجوزٍ انہ لاتدخل الجنة عجوزٌ فقالت مالہن وکانت تقرء القرآن فقال لہا ما تقرئین القرآن اِنَّا انشئناہن انشاءً فجعلنٰہنّ ابکارًا(مشکوٰة ص۴۱۶)

                (حضرت انس فرماتے ہیں کہ آپ نے ایک ضعیفہ سے فرمایاکہ: 'بڑھیا جنت میں داخل نہیں ہوگی' وہ عورت قرآن پڑھی ہوئی تھی اس نے عرض کیا بوڑھی کے لئے کیا چیز دخولِ جنت سے مانع ہے؟ حضور صلی اللہ علیہ وسلم نے فرمایا کیا تم نے قرآن میں نہیں پڑھا ہم جنتی عورتوں کو پیدا کریں گے پس ہم ان کو کنواری بنادیں گے۔)

                ایک اور روایت میں یہ واقعہ مزید تفصیل کے ساتھ وارد ہوا ہے کہ اس صحابیہ عورت نے جو بوڑھی تھیں آپ سے دخولِ جنت کی دعا کی درخواست کی اس پر آپ نے مزاحاً فرمایا کہ:' بڑھیا تو جنت میں داخل نہیں ہوگی'، یہ سن کر بڑھیا کو بڑا رنج ہوا اور روتے ہوئے واپس چلی گئی تو آپ صلی اللہ علیہ وسلم نے فرمایا کہ جاکر اس عورت کو کہہ دو کہ عورتیں بڑھاپے کے ساتھ جنت میں داخل نہیں ہوں گی کیونکہ اللہ تعالیٰ نے فرمایاہے ”اِنَّا انشئناہن انشاءً فجعلنٰہنّ ابکارًا“ حضور صلی اللہ علیہ وسلم کا مزاح اس واقعہ میں بھی مبنی برحق تھا مگرآپ نے ایک سچی بات کو مزاحیہ انداز میں بیان کرکے امت کو یہ تعلیم دی کہ کبھی کبھار مذاق اور دل لگی بھی کرلینی چاہئے۔

                 حضرت انس فرماتے ہیں کہ ایک بدوی صحابی زاہر بن حرام حضور صلی اللہ علیہ وسلم کے لئے کچھ دیہاتی اشیاء بطور ہدیہ لایا کرتے تھے حضور صلی اللہ علیہ وسلم بھی واپسی پر انہیں  کچھ شہری اشیاء ہدیتہ عنایت فرماتے تھے حضور صلی اللہ علیہ وسلم فرمایاکرتے تھے زاہر ہمارا باہر کا گماشتہ ہے اور ہم اس کے شہر کے گماشتہ ہیں آپ صلی اللہ علیہ وسلم زاہر سے بڑی محبت فرماتے تھے ویسے زاہر ایک بدصورت آدمی تھے ایک دن آپ صلی اللہ علیہ وسلم بازار تشریف لے گئے تو زاہر کو اپنا سامان بیچتے ہوئے پایا آپ صلی اللہ علیہ وسلم نے اس کو پیچھے سے اپنے ساتھ اس طرح چمٹالیا کہ اپنے دونوں ہاتھ اس کے بغلوں کے نیچے سے لیجاکر اس کی آنکھوں پر رکھ دئیے تاکہ وہ پہچان نہ پائے , زاہر نے کہا کہ کون ہے؟ چھوڑ مجھے۔ (پھر اس نے کوشش کرکے) مڑ کر دیکھا تو نبی کریم صلی اللہ علیہ وسلم کو پہچان لیا (اور پہچانتے ہی) اپنی پیٹھ نبی صلی اللہ علیہ وسلم کے سینہٴ مبارک سے مزید چمٹانے لگا ادھر نبی کریم صلی اللہ علیہ وسلم یہ صدا بلند کرنے لگے کہ ارے کوئی اس غلام کا خریدار ہے؟ اس پر زاہر نے عرض کیا کہ اے اللہ کے رسول بخدا آپ مجھے کھوٹا سکّہ پائیں گے، اس پر نبی کریم صلی اللہ علیہ وسلم نے فرمایا لیکن تم اللہ تعالیٰ کے نزدیک کھوٹا سکّہ نہیں ہو۔ (مشکوٰة ص۴۱۶) 

                عن عوف بن مالک الاشجعی قال اتیت رسول اللّٰہ صلی اللّٰہ علیہ وسلم فی غزوة تبوک وہو فی قبةٍ من ادمٍ فسلمت فردّ علیّ وقال فقلت أکلی یا رسول اللّٰہ قال کلّک فدخلت (مشکوٰة ص۴۱۷)

                (حضرت عوف بن مالک اشجعی سے مروی ہے فرماتے ہیں کہ غزوئہ تبوک کے دوران میں رسول اللہ صلی اللہ علیہ وسلم کی خدمت میں حاضر ہوا اس وقت آپ صلی اللہ علیہ وسلم چمڑے کے خیمہ میں تشریف فرماتھے میں نے آپ کو سلام کیا آپ نے جواب دیا اور فرمایا کہ اندر آجاؤ میں نے (مزاح کے طور پر) عرض کیا اے اللہ کے رسول کیا میں پورا اندر داخل ہوجاؤں؟ تو آپ نے فرمایا ہاں پورے داخل ہوجاؤ، چنانچہ میں داخل ہوگیا)

                اس حدیث سے معلوم ہوا کہ آپ صلی اللہ علیہ وسلم صحابہ سے اسقدر بے تکلف تھے کہ صحابہ بھی آپ سے مزاح کرلیا کرتے تھے۔

                ایک انصاری صحابیہ آپ صلی اللہ علیہ وسلم کی خدمت میں حاضر تھیں آپ صلی اللہ علیہ وسلم نے اس سے فرمایا جا جلدی سے اپنے خاوند کے پاس اس کی آنکھوں میں سفیدی ہے وہ ایک دم گھبراکرخاوند کے پاس پہنچی تو خاوند نے پوچھا کیا مصیبت ہے؟ اس طرح گھبراکر دوڑی کیوں چلی آئی؟ اس نے کہا کہ مجھے میرے نبی صلی اللہ علیہ وسلم نے خبر دی ہے کہ تمہاری آنکھوں میں سفیدی ہے اس نے کہاٹھیک ہے مگر سیاہی بھی تو ہے تب اسے اندازہ ہوا کہ یہ مزاح تھا اور ہنس کر خوش ہوئی اور فخر محسوس کیا کہ اللہ کے رسول صلی اللہ علیہ وسلم مجھ سے اس قدر بے تکلف ہوئے کہ میرے ساتھ مزاح فرمایا (لطائف علمیہ ص۱۰) اس کے علاوہ بھی آپ صلی اللہ علیہ وسلم کے مزاح کے بہت سے واقعات کتب احادیث میں موجود ہیں جو مزاح کے سنتِ مستحبہ ہونے پر دال ہیں۔ لیکن یہ تمام واقعات اس بات پر شاہد ہیں کہ مزاح سچائی پر مبنی ہونا چاہئے اوراس میں ایذاء رسانی اور دل شکنی کا پہلو نہ ہو بلکہ مخاطب کی دلجوئی اورنشاط آوری مقصود ہونی چاہئے۔

ایک مرتبہ  آپ  صلی اللہ علیہ وسلم کی مجلس میں کھجوریں کھائی گئیں۔ آپ نے ازراہ مزاح گھٹلیاں سیدنا علیؓ کے سامنے رکھ دیں اور فرمایا کہ ساری کھجوریں تم کھا گئے؟ علیؓ نے فرمایا کہ میں نے تو کھجور گھٹلیوں سمیت نہیں کھائیں (جبکہ آپ تو گھٹلیاں بھی  کھا چکے ہیں)۔ (متفق علیہ) 

                حضور صلی اللہ علیہ وسلم کے بعد صحابہ سے بھی مزاح کے بے شمار واقعات مروی ہیں۔ ایک مرتبہ حضرت ابوبکر صدیق، فاروق اعظم اور علی مرتضیٰ ایک دوسرے کے گلے میں ہاتھ ڈالے اس طرح چلے جارہے تھے کہ حضرت علی بیچ میں تھے اور دونوں حضرات دونوں طرف۔ حضرت علی ان دونوں کے مقابلہ میں کچھ پستہ قد تھے، حضرت عمر نے مزاحاً فرمایا: ”علیٌّ بیننا کالنون فی لنا“ یعنی علی ہم دونوں کے بیچ میں ایسے ہیں جیسے ”لنا“ کے درمیان نون ہے یعنی لنا کے ایک طرف کا لام اور دوسری طرف کا الف لمبے اور درمیان میں نون پستہ قد ہے اس طرح ہم دونوں طویل القامت اور بیچ میں علی پستہ قامت ہیں۔ اس پر حضرت علینے برجستہ جواب دیا: ”لولا کنت بینکما لکنتما لا“ یعنی ”اگر میں تمہارے درمیان نہ ہوتا تو تم لا ہوجاتے اور کچھ بھی نہ رہتے“ کیونکہ لنا کے بیچ سے نون ہٹادیاجائے تو وہ ”لا“ رہ جاتا ہے

توہین رسالت اور ہندوستانی حکومت

 ہندوستان میں فرقہ پرست حکومت جس کی کلید آرایس ایس کے ہاتھ میں ہے مسلمانوں کی اہانت و تذلیل کاکوئی موقع نہیں چھوڑتی ہر وقت درپئے آزار رہتی ہےیہ جانتے ہوئے بھی کہ یہ نہایت حساس اور خالص مذہبی معاملہ ہے کہ محسن انسانیت کی توقیر مسلمانوں کے نزدیک اپنی جان مال عزت آبرو سے عزیز تر ہے. آپ صلی اللہ علیہ وسلم کے خلاف ایک لفظ بھی ناقابل برداشت اور ناقابل معافی جرم ہے. اس معاملہ میں کسی تیسرے فریق کودخل دینے کا کوئی حق نہیں یہ سب جانتے ہوئے بھی حکومت نے فرانس کے صدر کی حمایت کرکے اپنی پھٹیچرذہنیت کادیوالیہ نکالا ہے.یہ وہی حکومت ہے جسے یواے ای اورسعودی بادشاہت نے  اپنے اعلی ترین سویلین ایوارڈز سے نوازاتھااس کے باوجود حکومت نے مائکرون کی حمایت کرکےکھلم کھلا مسلمانوں کی دل آزاری کی ہے.عرب حکمران اور بعض عوام  اس کے باوجود خواب خرگوش میں مبتلاہیں وہ محمدبن سلمان کی لامذہبی اصلاحات  وقوانین کے نفاذ سےواقفیت کے باوجودرجب طیب اردغان کی لیڈرشپ پر امریکہ ویورپ کے ذہنی غلامان یعنی محمدبن سلمان,شاہ سلمان بن عبدالعزیز,اور یواے ای کے عیاشان اقتدارکوترجیح دیتے ہیں حالاں کہ عالم اسلام کوان ملاحدہ سے جونقصان پہنچاہے اس کاخمیازہ پوری امت صدیوں جھیلے گی.انہیں صرف اپنے اقتدار سے محبت ہے اس کے علاوہ سب کچھ ہیچ اور ثانوی ہے.یہی حیثیت ہندوستان میں موجودہ فرقہ پرست حکومت کی ہے یہ ہندتواکے بہانے اقتدار سے چمٹے رہناچاہتے ہیں حقیقتاََ انہیں نہ ہندوتواکاحقیقی علم ہے ناہی محبت .اگر محبت ہے تو اپنی انا اور اقتدار سے,کیونکہ ہندوازم میں کسی کی توہین  خواہ وہ براہ راست ہو یابالواسطہ قبیح جرم ہے.ہندوازم سبھی مذاہب کا احترام سکھاتاہے.اورجوکوئی  کسی کے مذہب کی توہین کرے اور اپنے آپ کو ہندومذہب کا علمبردار کہے وہ حقیقتاََ بہروپیہ اور مذہب کا دشمن ہے وہ ہندوتہذیب وثقافت سے بھی نابلد ہے.ہندوازم کا ایک عظیم نکتہ مخلوقات میں خالق کاپرتویا اس کاوجود ہے اسی لئے دریاوپہاڑحجرواشجاران کے نزدیک قابل پرستش اور عبادت کے لائق ہیں لہذاکسی مخلوق کی دل آزاری سے ہندومت کاکوئی تعلق نہیں بلکہ یہ فرقہ پرستی صرف سیاسی بازی گری اور ہندوستانی اکثریت کو بے وقوف بنانا ہے.غور کیاجائے توحقیقتاََ یہ اپنے مذہب وضمیر کی پامالی اور اپنی رعایاکی توہین ہے

اسلام میں توہین رسالت کی سزا

 اسلام میں دیگرمذاہب کی محترم شخصیات کی توہین  نہ کرنے اور ان کی بے ادبی نہ کرنے کی باربار تلقین کی وجہ یہی ہے کہ اس سے باہمی استہزاء واہانت کا دروازہ کھلتا ہے فرمایا:.ولاتبسوالذین یدعون من دون اللہ فیسب اللہ عدوا بغیرعلم

(القرآن)

جن کویہ لوگ اللہ کے علاوہ پکارتے ہیں تم ان کو برا نہ کہوپھروہ جواباََ .دشمنی میں اپنی لاعلمی سے اللہ کو براکہیں گے

ا نَّ الَّذِينَ يُؤْذُونَ اللَّهَ وَرَسُولَهُ لَعَنَهُمُ اللَّهُ فِي الدُّنْيَا وَالْآَخِرَةِ وَأَعَدَّ لَهُمْ عَذَابًا مُهِينََ (سورۃ الاحزاب ۔آیت57) : ترجمہ  بے شک جو لوگ اللہ تعالیٰ اور اسکے رسول صل اللہ علیہ وسلم کو ایذاء دیتے ہیں ، اللہ ان پر دنیا اور اخرت میں لعنت کرتا ہے۔اور انکے لئے ذلیل کرنے والا عذاب تیار کر رکھا ہے۔

:نیز اللہ فرماتا ہے 

﴿وَالَّذِیْنَ یُؤْذُوْنَ رَسُوْلَ اﷲِ لَهُمْ عَذَابٌ اَلِیْمٌ﴾ (التوبہ:61 : ترجمہ: رسول اللہ ﷺ کو جو لوگ ایذا دیتے ہیں ان کے لئے دردناک عذاب ہے۔

:اللہ مزید فرماتا ہے 

﴿وَاِنْ نَکَثُوْا أَیْمَانَهُمْ مِنْ بَعْدِ عَهْدِهِمْ وَطَعَنُوْا فِیْ دِیْنِکُمْ فَقَاتِلُوْا آئِمَّةَ الْکُفْرِِ اِنَّهُمْ لَا أَیْمَانَ لَهُمْ لَعَلَّهُمْ یَنْتَهُوْنَ﴾ (التوبہ :12 ترجمہ:اگر یہ لوگ اپنے عہد کے بعد اپنی قسمیں توڑ دیں اور تمہارے دین میں طعن کریں تو کفر کے لیڈروں سے قتال کرو اس لئے کہ ان کی قسمیں (قابل اعتبار) نہیں ہیں تاکہ یہ (اپنی شرارتوں اور توہین آمیز خاکے بنانے سے) باز آجائیں۔

ابن کثیر﴿وَطَعَنُوْا فِیْ دِیْنِکُمْ﴾کی تفسیر کرتے ہوئے لکھتے ہیں :

أی عابوه وانتقصوه ومن هاهنا أخذ قتل من سب الرسول صلوات اﷲ وسلامه علیه أو من طعن فی دین الاسلام او ذکره بتنقص (ابن کثیر:3؍359، بتحقیق عبدالرزاق مهدی ترجمہ:یعنی تمہارے دین میں عیب لگائیں اور تنقیص کریں۔ یہاں سے ہی یہ بات اخذ کی گئی ہے کہ جو شخص رسول اللہﷺ کو گالی دے یا دین اسلام میںطعن کرے یا اس کا ذکر تنقیص کے ساتھ کرے تو اسے قتل کردیاجائے۔

:بخاری شریف میں ہے قَالَ عَمْرٌو سَمِعْتُ جَابِرَ بْنَ عَبْدِ اللَّهِ رَضِيَ اللَّهُ عَنْهُمَايَقُولُ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ مَنْ لِكَعْبِ بْنِ الْأَشْرَفِ فَإِنَّهُ قَدْ آذَى اللَّهَ وَرَسُولَهُ صَلَّى اللَّهُ عَلَيْهِ وَسَلَّمَ فَقَالَ مُحَمَّدُ بْنُ مَسْلَمَةَ أَنَا فَأَتَاهُ فَقَالَ أَرَدْنَا أَنْ تُسْلِفَنَا وَسْقًا أَوْ وَسْقَيْنِ فَقَالَ ارْهَنُونِي نِسَاءَكُمْ قَالُوا كَيْفَ نَرْهَنُكَ نِسَاءَنَا وَأَنْتَ أَجْمَلُ الْعَرَبِ قَالَ فَارْهَنُونِي أَبْنَاءَكُمْ قَالُوا كَيْفَ نَرْهَنُ أَبْنَاءَنَا فَيُسَبُّ أَحَدُهُمْ فَيُقَالُ رُهِنَ بِوَسْقٍ أَوْ وَسْقَيْنِ هَذَا عَارٌ عَلَيْنَا وَلَكِنَّا نَرْهَنُكَ اللَّأْمَةَ قَالَ سُفْيَانُ يَعْنِي السِّلَاحَ فَوَعَدَهُ أَنْ يَأْتِيَهُ فَقَتَلُوهُ ثُمَّ أَتَوْا النَّبِيَّ صَلَّى اللَّهُ عَلَيْهِ وَسَلَّمَ فَأَخْبَرُوهُ (صحیح بخاری باب الرہن)  ترجمہ: حضرت عمروبن العاص روایت کرتے ہیں کہ میں نے جابر بن عبداللہ رضی اللہ تعالیٰ عنھما سے سنا کہ حضور صل اللہ علیہ وسلم نے فرمایا کہ کون کھڑا ہوگا کعب بن اشرف کیلئے کیونکہ اس نے اللہ اور اسکے رسول کو تکلیفیں دی ہیں تو محمد بن مسلمہ اٹھ کھڑے ہوےاورپھر جا کر اس کو قتل کردیا۔اور پھر حضور صل اللہ علیہ وسلم کو اطلاع دی کہ میں نے اس کو قتل کردیا۔

اس حدیث کے ذیل میں فتح الباری نے لکھا ہے کہ یہاں اللہ اور اس کے رسول کو اذیت  سے مراد یہ ہے کہ اس نے اپنے اشعار کے ذریعے نبئ کریم صلی اللہ علیہ وسلم کو تکالیف دی تھیں اور مشرکوں کی مدد کی تھی۔ حضرت عمرو سے روایت ہے کہ یہ کعب بن اشرف نبی کریم صلی اللہ علیہ وسلم کی ہجو کرتا تھا اور قریش کومسلمانوں کے خلاف ابھارتا تھا۔ یہ یہودی نبی صل اللہ علیہ وسلم کو اور انکے واسطے سے اللہ کو اذیت دیتا تھا تو نبی صل اللہ علیہ وسلم نے اس کے قتل کا اعلان کیا اور محمد بن مسلمہ نے اس کو قتل کرکے حضور صل اللہ علیہ وسلم کو اس کے قتل کی اطلاع دے دی۔

بعث رسول اللہ صل اللہ علیہ وسلم الیٰ ابی رافع الیھودی رجالا من الانصاروامر علیھم عبد اللہ بن عتیق وکان ابو رافع یؤذی رسول اللہ صل اللہ علیہ وسلم و یعین علیہ ۔ ترجمہ: رسول اللہ صل اللہ علیہ وسلم نے ابو رافع یہودی کو قتل کرنے کیلئے چند انصار کا انتخاب فرمایا ، جن کا امیر عبد اللہ بن عتیق مقرر کیا ۔یہ ابو رافع نبی پاک صل اللہ علیہ وسلم کو تکالیف دیتا تھا اور آپ صلی اللہ علیہ وسلم کے خلاف لوگوں کی مدد کرتا تھا۔ (صحیح بخاری)

عن انس بن مالک ان النبی صل اللہ علیہ وسلم دخل مکہ یوم الفتح و علی راسہ المغفر فلما نزعہ جاء رجل فقال ابن خطل متعلق باستار الکعبہ فقال اقتلہ۔ (صحیح بخاری)  قال ابن تیمیہ فی الصارم المسلول وانہ کان یقول الشعر یھجو بہ رسول اللہ ویامرجاریتہ ان تغنیابہفھذا لہ ثلاث جرائم مبیحۃ الدم، قتل النفس ، والردۃ ، الھجاء۔(الصارم۔صفحہ 135) امر رسول اللہ صل اللہ علیہ وسلم بقتل القینتین(اسمھما قریبہ و قرتنا)  (اصح السیر ۔صفحہ 266)  ترجمہ: حضرت انس سے روایت ہے کہ نبی صل اللہ علیہ وسلم جب فتح مکہ کے موقع پر مکہ مکرمہ میں داخل ہوئے تو آپ صل اللہ علیہ وسلم نے سر مبارک پر خود پہنا ہوا تھا۔جب آپ نے خود اتارا تو ایک آدمی اس وقت حاضر ہوا اور عرض کیا کہ ابن خطل کعبہ کے پردو ں کے ساتھ لٹکا ہوا ہے،آپ صلی اللہ علیہ وسلم نے فرمایا کہ اس کو قتل کردو۔ (صحیح بخاری) علامہ ابن تیمیہ نے الصارم المسلول میں لکھا ہے کہ ابن خطل اشعار کہہ کر رسول اللہ صل اللہ علیہ وسلم کی ہجو کرتا تھا اور اپنی باندی کو وہ اشعار گانے کیلئے کہا کرتا تھا،تو اسکے تین جرم تھے جس کی وجہ سے وہ مباح الدم قرار پایا ، اول ارتداد دوسرا قتل اور تیسرا حضور صل اللہ علیہ وسلم کی شان میں گستاخی.

اسلام میں دیگرمذاہب کے کسی بھی مذہبی نشان, اشیاء,اورشخصیات کی توہین کی اجازت نہیں. اس کے ساتھ ہی کسی بھی پیغمبرکی توہین گستاخی یاتنقیص بھی ناقابل معافی جرم ہے.جس کی سزا توبہ کے باوجود بھی قتل ہے.

آجکل فرانس میں آزادئ اظہار کے نام پر نبئ کریم صلی اللہ علیہ وسلم کے کارٹون بناکر آزادئ اظہار کی جوتشریح کی جارہی ہے اس نے سبھی کوورطۂ حیرت میں  ڈال رکھا ہے کیونکہ حضور اکرم صلی اللہ علیہ وسلم کی توہین کسی بھی مسلمان کے لئے ناقابل برداشت اور انتہائی اشتعال انگیز عمل ہے. اس گھناؤنی حرکت سے تنگ آکر جب کوئی باغیرت اپنے جوش وجذبہ پرقابونہ رکھتے ہوئے انتہائی قدم اٹھالیتا ہے تویہ نام نہاد مہذب سماج مل کر بیک زبان شورشرابہ کرتااور اسے اسلامی دہشت گردی کانام دیتا ہے حالاں کہ اس کے ساتھ ہی آزادئ اظہار کی حدود وثغوربھی متعین کرناضروری ہیں.سب سے پہلے ان لوگوں کوروکنا بھی ضروری ہے جوبلاوجہ پیغمبر اسلام کی توہین کرکے مسلمانوں کو اشتعال دلاتے اور امن عالم کو خطرہ میں ڈالتے ہیں .

:گستاخ رسول کاحکم

اگرچہ اہانت رسول ایک ناقابل معافی جرم ہے لیکن قانون کواپنے ہاتھ میں لیتے ہوئے انفرادی طورپرامت مسلمہ کے کسی شخص کے  ذریعہ گستاخ رسول کوسزادینے کی اجازت نہیں بلکہ اس کے لئے حکمراں طبقہ گستاخ رسول کو سزادلانے کی کوشش کرے.اور عدلیہ یاحکومت اس پر کارروائی کرے گی.لیکن مسلم ممالک کی بے حسی کہیئے کہ آج تک کسی نے عالمی طورپرفرانس کے چارلی ہیبڈوجریدے کویہ بات سمجھانے کی کوشش نہیں کی.اور وہ اپنی گستاخانہ کارٹون دکھانے میں اپنے ملک وملت اور آزادئ اظہارکی  خدمت عظیمہ سمجھ کرلگا ہوا ہے.صدرفرانس نے اپنی دوغلی پالیسی جاری رکھتے ہوئے اس جریدے کے کام کوسراہا ہے اور اس کے خلاف اٹھنے والی آواز کو اسلامی دہشت گردی قرار دیا ہےمسلم امہ کا یہ فریضۂ منصبی ہے کہ سبھی مسلم ممالک متحد ہوکر یواین او میں توہین رسالت کاقانون  عالمی طورپرمنظور کرائیں.

اہانت رسول کی سزا پرپوری امت مسلمہ متحد ہے کہ گستاخ رسول کو  کیفرکردارتک پہنچاناضروری ہے  خواہ وہ توبہ کرلے.اگرکوئی  غیرمسلم توہین رسالت کامرتکب ہوالیکن گرفتاری کے بعد اس نے توبہ کرلی اور اسلام قبول کرلیاتب بھی اس کو سزاءََ قتل کیاجائے گاالبتہ اس کے حلقہ بگوش اسلام ہونےکی وجہ سے اس کی تجہیز وتکفین اور نماز جنازہ بحیثیت مسلمان کی جائے گی.

:محقق ابن ہمام علیہ الرحمہ

«کل من أبغض رسول الله ﷺ بقلبه کان مرتدًا فالساب بطریق أولى ثم یقتل حدًا عندنا فلا تقبل توبته في إسقاط القتل.... وإن سبّ سکران ولا یعفی عنه»

فتح القدیرجلد 5صفحہ332)
''ہر وہ شخص جو دل میں رسول ﷺ سے بغض رکھے، وہ مرتد ہے اور آپ کو سب و شتم کرنے والا تو بدرجہ اولیٰ مرتد ہے اسےقتل کیا جائے گا۔ قتل کے ساقط کرنے میں اسکی توبہ قبول نہیں۔ اگرچہ حالت ِنشہ میں کلمۂ گستاخی بکا ہو ، جب بھی معافی نہیں دی جائے گی۔''
2. علامہ زین الدین ابن نجیم علیہ الرحمہ
«کل کافر فتوبته مقبولة في الدنیا والآخرة إلا جماعة الکافر بسب النبي وبسبّ الشیخین أو إحداهما.... لا تصح الردة السکران إلا الردة بسب النبي ولا یعفی عنه.... وإذا مات أو قتل لم یدفن في مقابر المسلمین، ولا أهل ملته وإنما یلقی في حفیرة کالکلب»

الأشباہ والنظائر:158,159)
''ہر قسم کے کافر کی توبہ دنیا و آخرت میں مقبول ہے، مگر ایسے کفار جنہوں نے حضورﷺ  یاشیخین میں سے کسی کو گالی دی تو اُس کی توبہ قبول نہیں۔ ایسے ہی نشہ کی حالت میں ارتداد کو صحیح نہ مانا جائے گا مگر حضورﷺ کی اہانت حالتِ نشہ میں بھی کی جائے تو اُسے معافی نہیں دی جائے گی۔ جب وہ شخص مرجائے تو اسے مسلمانوں کے مقابر میں دفن کرنے کی اجازت نہیں، نہ ہی اہل ملت (یہودی نصرانی) کے گورستان میں بلکہ اسے کتے کی طرح کسی گڑھے میں پھینک دیا جائے گا۔''
3. امام ابن بزار علیہ الرحمہ
«إذا سبّ الرسول ﷺ أو واحد من الأنبیاء فإنه یقتل حدًا فلا توبة له أصلًا سواءً بعد القدرة علیه والشهادة أو جاء تائبًا من قبل نفسه کالزندیق لأنه حد واجب فلا یسقط بالتوبة ولا یتصور فیه خلاف لأحد لأنه حق تتعلق به حق العبد فلا یسقط بالتوبة کسائر حقوق الآدمیین وکحد القذف لا یزول بالتوبة»

رسائل ابن عابدین 2/327
''جو شخص رسول اللہ ﷺ کی اہانت کرے یا انبیا میں سے کسی نبی کی گستاخی کرے تو اسےبطورِ حد قتل کیا جائے گا اور اس کی توبہ کا کوئی اعتبار نہیں، خواہ وہ تائب ہوکر آئے یا گرفتار ہونے کے بعد تائب ہو اور اس پر شہادت مل جائے تو وہ زندیق کی طرح ہے۔اس لیے کہ اس پر حد واجب ہے اور وہ توبہ سے ساقط نہیں ہوگی۔ اس میں کوئی اختلاف نہیں، اس لیے کہ یہ ایسا حق ہے جو حق عبد کےساتھ متعلق ہے، جو بقیہ حقوق کی طرح توبہ سے ساقط نہیں ہوتا جیسے حد ِقذف بھی توبہ سے ساقط نہیں ہوتی۔''
4. علامہ علاء الدین حصکفی علیہ الرحمہ
«الکافر بسبّ النبي من الأنبیاء لا تقبل توبته مطلقًا ومن شكّ في عذابه و کفره کفر»

درمختار6/356
''کسی نبی کی اہانت کرنے والا شخص ایسا کافر ہے جسے مطلقاً کوئی معافی نہیں دی جائے گی، جو اس کے کفر و عذاب میں شک کرے، وہ خود کافر ہے۔''
5. علامہ اسماعیل حقی علیہ الرحمہ
«واعلم انه قد اجتمعت الأمة علی أن الاستخفاف بنبینا وبأي نبي کان من الأنبیاء کفر، سواء فعله فاعل ذلك استحلالا أم فعله معتقدًا بحرمته لیس بین العلماء خلاف في ذلك، والقصد للسب وعدم القصد سواء إذ لا یعذر أحد في الکفر بالجهالة ولا بدعوی زلل اللسان إذا کان عقله في فطرته سلیما»

روح البیان3/394
''تمام علماے اُمت کااجماع ہے کہ ہمارے نبی کریمﷺ ہوں یا کوئی اور نبی علیہ السلام ان کی ہر قسم کی تنقیص و اہانت کفر ہے، اس کا قائل اسے جائز سمجھ کر کرے یا حرام سمجھ کر، قصداً گستاخی کرے یا بلا قصد، ہر طرح اس پر کفر کافتویٰ ہے۔ شانِ نبوت کی گستاخی میں لا علمی اور جہالت کا عذر نہیں سنا جائے گا، حتیٰ کہ سبقت ِلسانی کا عذر بھی قابل قبول نہیں، اس لیے کہ عقل سلیم کو ایسی غلطی سے بچنا ضروری ہے۔''
6. علامہ ابوبکر احمد بن علی رازی علیہ الرحمہ
«ولا خلاف بین المسلمین أن من قصد النبي ﷺ بذلك فهو ممن ینتحل الإسلام أنه مرتد فهو یستحق القتل»

احکام القرآن3/112
''تمام مسلمان اس پر متفق ہیں کہ جس شخص نےنبی کریم ﷺ کی اہانت اور ایذا رسانی کا قصد کیا وہ مسلمان کہلاتا ہو تو بھی وہ مرتد مستحق قتل ہے۔''
ذمی شاتم رسول کا حکم
جو شخص کافر ہو اور اسلامی سلطنت میں رہتا ہوں، ٹیکس کی ادائیگی کے بعد اسے حکومت تحفظ فراہم کرتی ہے، مگر جب وہ اہانت ِرسول کا مرتکب ہو تو اس کا عہد ختم ہوجاتا ہے اور اس کی سزا بھی قتل ہے۔
7. امام ابوحنیفہ علیہ الرحمہ
علامہ ابن تیمیہ علیہ الرحمہ امام اعظم ابوحنیفہؒ کا موقف بیان کرتے ہوئے لکھتے ہیں:
«فإن الذمي إذا سبه لا یستتاب بلا تردد فإنه یقتل لکفره الأصلي کما یقتل الأسیر الحربی»

الصارم المسلول260
''اگر کوئی ذمی نبی کریمﷺ کی اہانت کا مرتکب ہو تو اسے توبہ کا مطالبہ کئے بغیر قتل کردیں گے کیونکہ اسے اس کے کفر اصلی کی سبب قتل کیا جائے گا جیسے حربی کافر کو قتل کیا جاتا ہے۔''
8. امام محقق ابن الہمام علیہ الرحمہ
''میرے نزدیک مختار یہ ہے كہ ذمی نے اگر حضورﷺ کی اہانت کی یا اللہ تعالی جل جلالہ کی طرف غیر مناسب چیز منسوب کی، اگر وہ ان کے معتقدات سے خارج ہے جیسے اللہ تعالی کی طرف اولاد کی نسبت یہ یہود و نصاریٰ کا عقیدہ ہے، جب وہ ان چیزوں کا اظہار کرے تو اس کا عہد ٹوٹ جائے گا اور اسے قتل کردیا جائے گا۔''

فتح القدیرجلد5/303
9. علامہ ابن عابدین شامی علیہ الرحمہ
«فلو أعلن بشتمه أو إعتاده قُتل ولو امرأة وبه یفتٰی الیوم»

ردالمحتارجلد6/301
''جب ذمی علانیہ حضورﷺ کی اہانت کا مرتکب ہو تو اسے قتل کیا جائے گا، اگرچہ عورت ہی ہو او راسی پر فتویٰ ہے۔''
حرفِ آخر
قاضی عیاض مالکی اور علامہ ابن تیمیہ رحمہما اللہ ،دونوں نے امام ابوسلیمان خطابیؒ کا موقف نقل کرتے ہوئے لکھا:
«لا أعلم أحدا من المسلمین اختلف في وجوب قتله»
''میں نہیں جانتا کہ مسلمانوں میں سے کسی نے شاتم رسول کے قتل میں اختلاف کیا ہو۔''
علامہ ابن تیمیہؒ مزید لکھتے ہیں:
«إن الساب إن کان مسلما فإنه یکفرویقتل بغیر خلاف وهو مذهب الأئمة الأربعة وغیرهم»

الصارم المسلول ص24
''بے شک حضور نبی کریمﷺ کو سب و شتم کرنے والا اگرچہ مسلمان ہی کہلاتا ہو، وہ کافر ہوجائے گا۔ ائمہ اربعہ اور دیگر کے نزدیک اِسےبلا اختلاف سزاءََ قتل کیا جائے گا۔''

شیخ الاسلام تقی الدین ابو العباس احمد بن عبد العلیم بن عبد السلام الحرانی الدمشقی المعروف بابن تیمیہ نے اپنی مشہور " کتاب الصارم المسلول علی شاتم الرسول" میں نقل فرمایاہے:

 «ان من سب النبی صلی الله علیه وسلم من مسلم او کافر فانه یجب قتله، هذا مذهب علیه عامة اهل العلم۔ قال ابن المنذر: أجمع عوام أهل العلم علی أن حد من سب النبی صلی الله علیه وسلم : القتل ، وممن قاله مالک واللیث واحمد واسحق وهو مذهب الشافعی ، وقد حکیابوبکر الفارسی من اصحاب الشافعی اجماع المسلمین علی ان حد من سب النبی صلی الله علیه وسلم القتل».1

ترجمہ : عام اہلِ علم کا مذہب ہے کہ جو شخص خواہ مسلمان ہو یا غیرمسلم، نبی کریم صلی اللہ علیہ وسلم کو براکہتاہے اس کاقتل  شرعا واجب ہے۔ ابن منذر نے فرمایا کہ عام اہل علم کا اجماع ہے کہ جونبی کریم صلی اللہ علیہ وسلم کو شب وستم کرے، اس کی حد قتل ہے اور اسی بات کو امام مالک، امام لیث، امام احمد، امام اسحاق نے بھی اختیار فرمایا ہے اور امام شافعی رحمہ اللہ علیہ کا بھی یہی مذہب ہے.اور ابوبکر فارسی نے اصحابِ شافعی سے اس پرمسلمانوں کا اجماع نقل کیا ہے کہ شاتم رسول صلی اللہ علیہ وسلم کی حد قتل ہے۔

«وقال محمد بن سحنون: اجمع العلماء علی ان شاتم النبی صلی الله علیه وسلم والمُتَنَقِّص له کافر، والوعید جاء علیه بعذاب الله له وحکمه عند الامة القتل، ومن شک فی کفره وعذابه کفر۔» 2

محمد بن سحنون نے فرمایا: علماء کا اجماع ہے کہ شاتم رسول اور آپ کی توہین وتنقیصِ  کرنے والا کافر ہے اور حدیث میں اس کے لیے سخت سزا کی وعید آئی ہے اور امت مسلمہ کے نزدیک اس کا شرعی حکم ،قتل ہے۔ اور جو آدمی اس شخص کے کفر اور عذاب کے بارے میں شک و شبہ کرے گا وہ بھی کافر ہو گا۔

مذکورہ بالا عبارات سے یہ بات  واضح ہوگئی کہ باجماعِ امت نبی کریم صلی اللہ علیہ وسلم کی توہین و تنقیص  کفر ہے اور اسے سزاءََ قتل کرنا واجب ہے۔ اور آخرت میں اس کے لیے دردناک عذاب ہے۔ اور جو اس کے کفر  اورمستحقِ عذاب ہونے میں شک کرے گا وہ بھی کافر ہوجائے گا؛ کیوں کہ اس نے ایک کافر کے کفر میں شبہ کیا ہے۔

علامہ ابن تیمیہ رحمہ اللہ نےابن سحنون سے مزید نقل کیا ہے :« ان الساب ان کان مسلما فانه یکفر ویقتل بغیر خلاف وهو مذهب الائمة الأربعة وغیرهم۔»3

اگر براکہنے  والا مسلمان ہے تو وہ کافر ہوجائے گا اور بلا اختلاف سزاءََ اس کو قتل کردیا جائے گا۔ اور یہ ائمہ اربعہ وغیرہ کا مذہب ہے۔

اور امام احمدبن حنبل رحمہ اللہ نے تصریح کی ہے کہ:«قال احمد بن حنبل: سمعت ابا عبد الله یقول :کل من شتم النبی صلی اللّٰه علیه وسلم او تنقصه مسلما کان أوکافرا فعلیه القتل، وأری أن یقتل و لایستتاب.»4

جوبھی خواہ مسلمان ہو یا کافر اگر رسول کریم صلی اللہ علیہ وسلم کو گالی دیتا ہے یا ان کی توہین و تنقیص کرتاہے اس کاقتل واجب ہے ۔اور میری رائے یہ ہے کہ اس کو توبہ کرنے کے لیے  مہلت نہیں دی جائے گی بلکہ فوراً ہی سزاءََقتل کردیا جائے گا۔

"الدرالمختار "میں ہے: وفی الاشباه ولا تصح ردة السکران الا الردة بسب النبی صلی الله علیه وسلم فانه یقتل ولا یعفی عنه۔» 5

"اشباہ " میں ہے کہ نشہ میں مست آدمی کی ردّت کا اعتبار نہیں ہے ،البتہ اگر کوئی نبی کریم صلی اللہ علیہ وسلم کو گالی دینے کی وجہ سے مرتد ہوجاتاہے تو اس کو قتل کردیا جائے گا اور اس گناہ کو معاف نہیں کیا جائے گا۔

امام احمد رحمہ اللہ اور "اشباہ "کی عبارات سے یہ بات معلوم ہوئی کہ توہین رسالت کا جرم  قابل معافی نہیں  اور اس کی شرعی سزا قتل ہے. لیکن یہ کسی بھی فردواحد کا کام نہیں بلکہ حکومت کی ذمہ داری ہے.

اور جو  شخص حالت ارتدادپر بدستور قائم رہتاہے یا بار بارمرتد ہوتا رہتاہے اس کو فوراً قتل کردیا جائے گا اور اس کی توبہ قبول نہیں کی جائے گی۔ جیسا کہ "فتاوی شامی" میں ہے:

«وعن ابن عمر وعلی: لا تقبل توبة من تکر رت ردته کالزندیق، وهو قول مالک واحمد واللیث، وعن ابی یوسف لو فعل ذلک مراراً یقتل غیلة۔» 6

حضرت عبد اللہ بن عمراورحضرت علی رضی اللہ عنہم سے روایت ہے کہ متعددبارمرتدہونے والے کی توبہ قابل قبول نہیں، جیساکہ زندیق کی توبہ قبول نہیں کی جاتی اور یہ امام مالک، احمد اورلیث کا مذہب ہے، امام ابویوسف سے مروی ہے کہ اگر کوئی مرتد ہونے کا جرم بابار کرے تواسے سزاءََ حیلہ سے بے خبری میں قتل کردیا جائے۔

اسی طرح "در مختار " میں ہے:  «وکل مسلم إرتد فتوبته مقبولة إلا جماعة من تکررت ردته علی ما مر۔ والکافر بسب نبی من الانبیاء فانه یقتل حدا ً ولا تقبل توبته مطلقاً۔» 7

ہر وہ مسلم جو نعوذ باللہ مرتد ہوجاتاہے اس کی توبہ قبول ہوتی ہے ، مگر وہ جماعت جس کا ارتداد مکرربار بار ہوتا ہو، ان کی توبہ قبول نہیں ہوتی۔ اور جو آدمی انبیاء میں سے کسی نبی کو براکہنے یاگالی دینے کی وجہ سے کافر ہوجائے اس کو قتل کر دیاجائے گا اور اس کی توبہ کسی حال میں بھی قبول نہیں کی جائے گی۔

ان عبارات سے یہ بات واضح ہوگئی ہے کہ  توہین رسالت اتنا بڑا جرم ہے کہ بہ فرض محال اگر کوئی نشہ میں مست آدمی بھی نبی کریم صلی اللہ علیہ وسلم کو برا کہے گا یا آپ کی توہین و تحقیر کرے گا تو اسے سزاءََ قتل کردیا جائے گا۔

1۔ الصارم المسلول علی شاتم الرسول،لتقی الدین ابن تیمیه-المتوفی ۷۲۸ھ المسئلة الاولی : ۳،۴ ط: نشر السنة  ملتان ۔  2۔ المرجع السابق۔ ۳،۴  ۔3۔الصارم المسلول - ۳،۴۔   4۔المرجع السابق․ ص:۴

5۔الدر المختار -کتاب الجهاد-باب المرتد-۴۲۲۴․ ط:سعید کراچی۔     6 ۔رد المحتارعلی الدرالمختار -کتاب الجهاد-باب المرتد-مطلب مایشک فی انه ردة لایحکم بها - ۴۲۲۵۔ ط:سعید کراچی۔  7۔ الدر المختار -کتاب الجهاد-باب المرتد-۴۲۳۱،۲۳۲، ط:سعید۔کراچی۔8۔ رد المحتارعلی الدر المختار -کتاب الجهاد-باب المرتد-۴۲۳۷․ط:سعید ،کراچی۔   9۔ الد رالمختار -کتاب الحدود-باب التعزیر-۴۶۴․ط: ایچ ،ایم ،سعید کراچی۔