موبائل میں بغیر وضو قرآن مجید پڑھنا

 موبائل میں قرآنِ مجید انسٹال کرنا اور موبائل میں دیکھ کر قرآنِ مجید پڑھنا جائز ہے، چوں کہ قرآنِ کریم کو دیکھ کر ہاتھ لگائے بغیر زبانی تلاوت کرنا جائز ہے، اس لیے موبائل فون میں دیکھ کر بے وضو قرآنِ کریم کی تلاوت کرنا بھی جائز ہے، اگر اسکرین پر قرآن کریم کھلا ہوا ہو تو بے وضو موبائل کو مختلف اطراف سے چھونا اور پکڑنا بھی جائز ہے، البتہ اسکرین کو بغیر وضو چھونا جائز نہیں ہے، کیوں کہ جس وقت قرآنِ کریم اسکرین پر کھلا ہوا ہوتا ہے اس وقت اسکرین کو چھونا قرآن کو چھونے کے حکم میں ہوتا ہے۔

خلاصة الفتاویٰ،( 104/1):

"ولایکره للمحدث قراءة القرآن عن ظهر القلب". 

الدر المختار وحاشية ابن عابدين (رد المحتار) (1/ 173):

"(و) يحرم (به) أي بالأكبر (وبالأصغر) مس مصحف: أي ما فيه آية كدرهم وجدار، وهل مس نحو التوراة كذلك؟ ظاهر كلامهم لا (إلا بغلاف متجاف) غير مشرز أو بصرة به يفتى، وحل قلبه بعود.

اسقاط حمل کے جواز کی صورت

 حمل ضائع کرنے کے بارے میں شرعی اصول یہ ہے  کہ اگر  حمل  چار  ماہ  سے  کم کا ہو،  اور  ماہر ڈاکٹر  یہ   کہہ دے کہ بچہ کی پیدائش کی وجہ سے  ماں کی جان کو یقینی یا غالب گمان کے مطابق خطرہ ہے یا ماں کی صحت اس حمل کاتحمل نہیں کرپاۓ گی،  تو ان  جیسےاعذار کی بنا پر  حمل میں روح پڑجانے سے پہلے    پہلے  (جس کی مدت تقریباً چار ماہ ہے)    اسے ساقط کرنے کی گنجائش ہوگی، البتہ چار ماہ کے بعد کسی صورت میں اسقاط حمل جائزنہیں ہے،لہذا صورتِ مسئولہ میں اگر کسی خاتون کے بہت زیادہ کمزور ہونے کی وجہ سےماں یابچےکی جان جانے کا اندیشہ ہو، اور ڈاکٹر کی رائے کے مطابق اسقاطِ حمل ضروری ہو، تو مذکورہ  اعذار کی بناء پر   حمل  میں روح پڑجانے سے پہلے پہلے (جس کی مدت تقریباً چار ماہ ہے)  حمل  کو ساقط کرناجائزہے۔

فتاوی شامی میں ہے:

"ویکره أن تسعی لإسقاط حملها، وجاز لعذر حیث لایتصور.... (قوله: ویکره الخ) أي مطلقًا قبل التصور و بعد علی ما اختاره في الخانیة کما قد مناه قبیل الا ستبراء، وقال: إلا أنّها لاتأثم إثم القتل. (قوله: وجاز لعذر) کالمرضعة إذا ظهربه الحبل وانقطع لبنها ولیس لأب الصبي ما یستأجر به الظئر وخاف هلاك الولد، قالوا: یباح لها أن تعالج في استنزال الدم مادام الحمل مضغة أو علقة ولم یخلق له عضو، وقدروا تلك المدة بمائة وعشرین یوماً، وجاز؛ لأنّه لیس بآدمي، وفیه صیانة الآدمي، خانیة."

(كتاب الحظر والإباحة، باب الاستبراء وغيره، فصل في البيع، فرع يكره إعطاء سائل المسجد إلا إذا لم يتخط رقاب الناس، ج:6  ص:429 ط: سعید)

مکروہ اوقات میں نماز جنازہ پڑھنا

  ان  اوقات میں ہر قسم کی نماز ممنوع ہے، خواہ فرض نماز ہو یا نفل، ادا نماز ہو یاقضا۔  ان تین اوقات میں پڑھی گئی نفل نماز کراہتِ تحریمی کے ساتھ اداہوجائے گی، اور فرض یا واجب نماز پڑھی تو اس کااعادہ لازم ہوگا (سوائے وقتی نمازِ عصر کے کہ اگر سورج غروب ہونے سے پہلے شروع کی اور اسی دوران سورج غروب ہوگیاتو کراہت کے ساتھ اداہوجائے گی اور اتنی تاخیر کرناگناہ ہے)۔

اوقاتِ ممنوعہ درج ذیل ہیں:

1۔عین طلوع کا وقت۔ 

2۔نصف  النہاریعنی استوائے شمس کے وقت ۔

3۔عین غروب کے وقت۔

"( وكره ) تحريماً... ( صلاة ) مطلقاً ( ولو ) قضاءً أو واجبةً أو نفلًا أو ( على جنازة وسجدة تلاوة وسهو ) ( مع شروق ) ( واستواء ) ... ( وغروب ، إلا عصر يومه ) فلايكره فعله لأدائه كما وجب". (ردالمحتار، 1/370. دارالفکر

فتاوی ہندیہ  میں ہے:

"ثلاث ساعات لا تجوز فيها المكتوبة ولا صلاة الجنازة ولا سجدة التلاوة إذا طلعت الشمس حتى ترتفع وعند الانتصاف إلى أن تزول وعند احمرارها إلى أن يغيب إلا عصر يومه ذلك فإنه يجوز أداؤه عند الغروب. هكذا في فتاوى قاضي خان قال الشيخ الإمام أبو بكر محمد بن الفضل ما دام الإنسان يقدر على النظر إلى قرص الشمس فهي في الطلوع.كذا في الخلاصة هذا إذا وجبت صلاة الجنازة وسجدة التلاوة في وقت مباح وأخرتا إلى هذا الوقت فإنه لا يجوز قطعا أما لو وجبتا في هذا الوقت وأديتا فيه جاز؛ لأنها أديت ناقصة كما وجبت. كذا في السراج الوهاج وهكذا في الكافي والتبيين لكن الأفضل في سجدة التلاوة تأخيرها وفي صلاة الجنازة التأخير مكروه."

(كتاب الصلوة، الباب الاول في مواقيت الصلوة، الفصل الثالث في بيان الاوقات التي لا تجوز فيها الصلاة وتكره فيها، ٥٢/١، ط:رشيدية)

سن بلوغ

 لڑکی کی بلوغت کی کم سے کم عمر نو سال ہے، نو سال پورے ہونے کے بعد جب بھی بلوغت کی کوئی علامت (حیض آنا یا حمل ٹھہرنا وغیرہ) لڑکی میں ظاہر ہوجائے تو وہ بالغ سمجھی جائے گی، لیکن اگر پندرہ سال عمر پوری ہونے کے باوجود کوئی علامت ظاہر نہ ہو تو پھر پندرہ سال مکمل ہوتے ہی لڑکی بالغ شمار کی جائے گی اور اس پر بلوغت والے تمام احکام نافذ ہوجائیں گے۔ خاندان، قوم، علاقہ اور موسم کے اختلاف کی وجہ سے لڑکی کی بلوغت کی عمر مختلف ہوسکتی ہے، یعنی نو سے پندرہ سال کے دوران کسی بھی عمر میں وہ بلوغت کو پہنچ سکتی ہے، کوئی ایک ضابطہ سب کے لیے نہیں ہے. البتہ پندرہ سال پورے ہونے کے بعد وہ بہرصورت بالغ سمجھی جائے گی۔

قال ابن قدامة في المغني: (وأما السن فإن البلوغ به في الغلام والجارية بخمس عشرة سنة). انتهى
وقال الشافعي في الأم: (ليس على الصبي حج حتى يبلغ الغلام الحلم، والجارية المحيض في أي سن بلغاها، أو استكملا خمس عشرة سنة). انتهى
قال في كنز الدقائق: (ويفتى بالبلوغ فيهما -أي الذكر والأنثى- بخمس عشرة سنة، وهذا عند أبي يوسف ومحمد -يرحمهما الله- وهو قول الشافعي ورواية عن أبي حنيفة) . انتهى
وذهب المالكية إلى أن سن البلوغ عند عدم وجود باقي العلامات هو ثمانية عشر عاما، قال خليل في مختصره: (والصبي لبلوغه بثماني عشرة، أوالحلم، أو الحيض أو الحمل أو الإنبات). انتهى
وذهب أبو حنيفة في الرواية الأخرى إلى أن بلوغ الذكر والأنثى عند عدم وجود العلامات، هو ثماني عشرة سنة للغلام وسبع عشرة سنة للجارية، كما ذكره عنه صاحب كنز الدقائق.
والراجح هو القول الأول -كما ذكرنا- وعليه، فإن من بلغ هذا السن عاقلا يكون مكلفا مسؤولا عن كل ما يصدر منه من أقوال وأفعال، والحكمة في ذلك، ذكرها السيوطي في الأشباه والنظائر فقال: (والحكمة في تعليق التكليف بخمس عشرة سنة: أن عندها بلوغ النكاح وهيجان الشهوة والتوقان، وتتسع معها الشهوات في الأكل والتبسط ودواعي ذلك، ويدعوه إلى ارتكاب ما لا ينبغي، ولا يحجزه عن ذلك ويرد النفس عن جماحها إلا رابطة التقوى وتشديد المواثيق عليه والوعيد، وكان ذلك قد كمل عقله واشتد أسره وقوته، فاقتضت الحكمة الإلهية توجه التكليف إليه، لقوة الدواعي الشهوانية، والصوارف العقلية، واحتمال القوة للعقوبات علىالمخالفة). انتهى

فقہاءِ کرام کی عبارات سے معلوم ہوتاہے کہ لڑکے کے لیے بلوغت کی کم ازکم عمر  12 سال اور لڑکی کے لیے بلوغت کی عمر کم ازکم 9سال ہے، اس عمر میں اگر بالغ ہونے کی علامات (لڑکے میں احتلام، انزال، یا اس کے جماع کرنے سے بیوی کا حاملہ ہونا، اور لڑکی میں احتلام،حیض یا استقرار حمل) ظاہر ہوجائیں تو انہیں بالغ سمجھاجائے گا۔ اور اگر یہ علامات ظاہر نہ ہوں یہاں تک کہ قمری اعتبار سے دونوں پندرہ سال کی عمر کو پہنچ جائیں اور سولہواں سال شروع ہوجائے تو بلوغت کا حکم  خود ثابت ہوجائے گا۔

اس تفصیل سے یہ معلوم ہواکہ اگر لڑکا اور لڑکی  مذکورہ ادنیٰ مدتِ بلوغ سے پہلے بالغ ہونے کادعویٰ کریں تو ان کا دعویٰ معتبر نہیں سمجھا جائے گا، 9 سال سے پہلے بچی کو آنے والا خون بیماری کا خون کہلائے گا، اسی طرح اگر کوئی بچہ 9سال کی عمر میں منی کے خروج کا دعویٰ کرتاہے تو اس دعوی کو قابل قبول قرار نہیں دیاجائے گا اور اس عمرمیں یہ شریعت کے اَحکام کا مکلف نہیں بنے گا۔  جیساکہ "دررالحکام "کی عبارت میں صراحت ہے۔حوالہ جات درج ذیل ہیں :

دررالحکام شرح مجلة الأحکام میں ہے :

"(مبدأ سنّ البلوغ في الرجل اثنتا عشرة سنةً، وفي المرأة تسع سنوات، ومنتهاه في كليهما خمس عشرة سنةً. وإذا أكمل الرجل اثنتي عشرة سنةً ولم يبلغ يقال له: "المراهق"، وإذا أكملت المرأة تسعًا ولم تبلغ يقال لها: "المراهقة" إلى أن يبلغا) إن أقل سنّ يمكن أن يحتلم فيها الذكور ويبلغوا هي اثنتا عشرة سنةً، والإناث تسع سنوات، و منتهى السن في الاثنين خمس عشرة سنةً عند الإمامين، وعليه فمتى أتم الذكر الثانية عشرة من عمره يمكن أن تظهر عليه آثار البلوغ المذكورة في المادة الآنفة؛ لأنه قد شوهدت علامة البلوغ في هذه السن، ولقد كان عبد الله بن عمرو بن العاص أصغر من أبيه باثنتي عشرة سنةً فقط، كذلك يمكن أن تظهر آثار البلوغ على الأنثى متى اكتملت السنة التاسعة من عمرها؛ لأن البنت أسرع بلوغًا من الغلام ... الصغير الذي لم يدرك مبدأ سن البلوغ إذا ادعى البلوغ لايقبل منه )...مثلًا لو قال غلام لم يكمل الثانية عشرة: إنه بالغ، فلايقبل ذلك منه، كما أنه لايقبل قول بنت لم تتم التاسعة: بأنها بالغة، كما لو كانت في الخامسة من عمرها، ولو جاءها الدم لايعتبر حيضًا، ( الطحطاوي) ؛ لأن ظاهر الحال يكذبها، وفي هذه الصورة لاتجوز معاملاتهما كالبيع والشراء والقسمة. ( رد المحتار، العناية ). وتطلق الدعوى، كما ذكر في كتاب الدعوى، على طلب الحق لدى الحاكم. لكن الدعوى في هذه المادة لم تكن بهذا المعنى، وعليه فلو بين بلوغه في حضور غير الحاكم فلا حكم له، ويبقى محجورًا كالأول". (2/633،634، دارالکتب العلمیة، بیروت)

تین طلاق کے بعد عدت

 صورت ِ مسئولہ میں تین مرتبہ "طلاق دیتا ہوں " کہنے سے سائل کی بیوی پر تینوں طلاقیں واقع ہوگئی ہیں ،نکاح ختم ہوچکا ہے ،دونوں کا ساتھ رہنا جائز نہیں ،بیوی عدت (تین حیض ) گزار کر دوسری جگہ نکاح کرسکتی ہے ۔

فتاوی ہندیہ میں ہے :

"وإن کان الطلاق ثلاثاً في الحرة وثنتین في الأمة لم تحل له حتی تنکح زوجًا غیره نکاحًا صحیحًا ویدخل بها، ثم یطلقها أو یموت عنها".

( کتاب الطلاق،الباب السادس في الرجعة،ج:1،ص:473،دارالفكر)

تحفۃ الفقہاء میں ہے :

"وأما عدة الطلاق فثلاثة قروء في حق ذوات الأقراء إذا كانت حرة۔۔۔۔۔وأما في حق الحامل فعدتها وضع الحمل".

(کتاب الطلاق،باب العدۃ،ج:2،ص:245،دارالکتب العلمیۃ)

سجدۂ تلاوت کے لیے وضو لازم ہے

  جب حضرت عبد اللہ بن عمر رضی اللہ عنہما سے  قولی اور فعلی دونوں طرح کی روایات منقول ہیں تو قولی روایت راجح ہوگی۔

اور اگر ہم ابن عمررضی اللہ عنہما کے مسلک کو مان بھی لیں  کہ ان کے ہاں بغیر وضو سجدۂ تلاوت کرنا درست تھا تو  یہ صرف ان ہی کا مسلک ہے، باقی  کسی صحابی رضی اللہ عنہ  کا یہ مسلک نہیں ہے،  اسی طرح ائمہ  اربعہ متبوعین کے ہاں بھی سجدۂ تلاوت کے لیے طہارت شرط ہے۔ ہاں  امام شعبی  اس  کے قائل ہیں کہ سجدہ تلاوت کے لیے طہارت شرط نہیں ہے، لہٰذا تفردات پر عمل کرنےکےبجائے  جملہ صحابہ کرام کے قول  پر عمل کرنا لازم ہے اور مشہور مذہب کو چھوڑنا نہ عقل کاتقاضا ہے اور نہ شرع کا،بلکہ اِبن عمر رضی اللہ عنہما سے اس فعل کا معارض قول بھی موجود ہے ،جو کہ راجح مذہب ہے،لہٰذااسی کےمطابق عمل کیاجائے۔

امام قرطبی رحمہ اللہ اپنی تفسیر میں فرماتے ہیں:

"ولا خلاف في أن سجود القرآن يحتاج إلى ما تحتاج إليه الصلاة من طهارة حدث ونجس ، ونية ، واستقبال قبلة ، ووقت . إلا ما ذكر البخاري عن ابن عمر أنه كان يسجد على غير طهارة . وذكره ابن المنذر عن الشعبي."

(تفسير القرطبي، (9 / 438) .

امام نووی رحمہ اللہ  "المجموع شرح المھذب" میں  تحریر فرماتے ہیں:

"و حكم سجود التلاوة حكم صلاة النافلة يفتقر إلى الطهارة و الستارة واستقبال القبلة لأنها صلاة في الحقيقة."

چند بڑے گناہ

 معاشرہ میں جب لوگ مل جل کر ساتھ رہتے ہیں تو کبھی لڑائی جھگڑے کی نوبت بھی آجاتی ہے ، لیکن قرآن وسنت میں غور کرنے سے یہ بات واضح ہوتی ہے کہ اللہ تعالیٰ اور رسول اللہ صلی اللہ علیہ وسلم کو مسلمانوں کے باہمی جھگڑے کسی قیمت پر پسند نہیں ، بلکہ حکم یہ ہے کہ حتی الامکان آپس کی رنجشوں اور جھگڑوں کو، باہمی نفرتوں اورعداوتوں کو کسی طرح ختم کرو ۔ چنانچہ قرآن کریم میں اللہ تعالیٰ کا ارشاد ہے :

اِنَّمَا الْمُوْمِنُوْنَ اِخْوَۃٌ فَاَصْلِحُوْا بَیْنَ اَخَوَیْکُمْ وَاتَّقُوْ اللّٰہَ لَعَلَّکُمْ تُرْحَمُوْنَ (الحجرات : ۱۰)
ترجمہ
حقیقت تو یہ ہے کہ تمام مسلمان بھائی بھائی ہیں ، اس لئے اپنے دو بھائیوں کے درمیان (اگر کوئی رنجش یا لڑائی ہوگئی ہو تو تمہیں چاہئے کہ ان کے درمیان صلح کراؤ اور) تعلقات اچھے بناؤ ، اور (صلح کرانے میں) اللہ تعالیٰ سے ڈرو تاکہ تمہارے ساتھ رحمت کا معاملہ کیا جائے ۔ (آسان ترجمہ قرآن : ۳/ ۱۵۸۳)
لڑائی جھگڑے مسلمانوں کے درمیان باہمی اتفاق و اتحاد ، محبت اور ملاپ پیدا کرنے میں رکاوٹ بنتے ہیں، انہی لڑائی جھگڑوں کی وجہ سے ایک دوسرے کے دل میں بغض ونفرت اور کینہ پیدا ہوتا ہے ، اور ہمارے معاشرے کے جھگڑے عموماً دنیا داری کے لئے اور آپس میں کسی ایک کا حق دبانے سے ہوتے ہیں ، اور ہر فریق غصہ میں بھراہوا ہوتا ہے ، اس لئے ایک دوسرے پر زیادتی ہوجاتی ہے اور گالی گلوچ ، ہاتھا پائی تک نوبت آجاتی ہے ، جس کا نتیجہ یہ کہ پھر صاحب حق بھی حق پر قائم نہیں رہتا ، اس لئے حتی الامکان کوشش کرنی چاہئے کہ جھگڑے کی نوبت ہی نہ آئے ، کیونکہ جھگڑا لو انسان اللہ تعالیٰ کے نزدیک ناپسندیدہ ہے ، اگر بالفرض کبھی جھگڑا ہوجائے تو دوسرے فریق کو معاف کرکے جھگڑا ختم کردینا چاہئے ، کیونکہ آپس میں صلح کرنے اور جھگڑا ختم کرنے کی قرآن مجید اور احادیثِ مبارکہ میں بہت ترغیب دی گئی ہے ۔ ذیل میں لڑائی جھگڑے کی مذمت سے متعلق چند احادیثِ طیبہ ملاحظہ فرمائیں:
حدیث نمبر ۱ : عن عائشۃ رضی اللہ عنہا، عن النبی صلی اللہ علیہ وسلم قال : ان ابغض الرجال الی اللہ الالد الخصم(صحیح البخاری۔ ۳/ ۱۳۱)
ترجمہ : حضرت عائشہ رضی اللہ عنہا سے روایت ہے کہ رسول اللہ صلی اللہ علیہ وسلم نے فرمایا: اللہ تعالیٰ کے ہاں سب سے مبغوض اور ناپسندیدہ شخص وہ ہے جو سخت جھگڑا لو ہو۔(صحیح بخاری)
حدیث نمبر ۲: عن ابن عباس، عن النبی صلی اللہ علیہ وسلم قال : لا تمار اخاک ، ولا تمازحہ ، تعدہ موعدا فتخلفہ (سنن الترمذی ۔ ۴/ ۳۵۹) قال الترمذی : ھذا حدیث غریب
ترجمہ : حضرت ابن عباس رضی اللہ عنہما سے روایت ہے کہ نبی کریم صلی اللہ علیہ وسلم نے ارشاد فرمایا : اپنے بھائی سے جھگڑا مت کر ، اور اس کے ساتھ نامناسب مذاق مت کر، اور اس کے ساتھ ایسا وعدہ نہ کر کہ (جس کو تو پورا نہ کرسکے اور) وعدہ خلافی کرے ۔(ترمذی)
حدیث نمبر ۳: عن ابن عباس قال : قال رسول اللہ صلی اللہ علیہ وسلم : کفی بک ائثمًا ان لا تزال مخاصما۔ (سنن الترمذی۔ ۴/ ۳۵۹) قال الترمذی : ھذا حدیث غریب لا نعرفہ الا من ھذا الوجہ ۔
ترجمہ : حضرت ابن عباس رضی اللہ تعالیٰ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا : تجھ کو یہ گناہ کافی ہے کہ تو ہمیشہ جھگڑتا رہے ۔(ترمذی)
حدیث نمبر ۴ : عن أنس بن مالک ، قال : قال رسول اللہ صلی اللہ علیہ وسلم : من ترک الکذب وھو باطل ، بنی لہ قصر فی ربض الجنۃ ، ومن ترک المراء وھو محق ، بنی لہ فی وسطھا ، ومن حسن خلقہ ، بنی لہ فی اعلاھا۔ (سنن ابن ماجہ۔ ۱/ ۱۹) قال الترمذی بعد اخراجہ فی السنن ۴ / ۳۵۸ (۱۹۹۳) وھذا حدیث حسن ۔
ترجمہ :حضرت انس بن مالک رضی اللہ عنہ سے روایت ہے کہ نبی کریم صلی اللہ علیہ وسلم نے ارشاد فرمایا : جو شخص جھوٹ کو ترک کردے حالانکہ جھوٹ باطل چیز ہے تو اس کے لئے جنت کے کناروں میں گھر تیار کیا جائے گا، اور جو شخص حق پر ہونے کے باوجود جھگڑا چھوڑدے اس کے لئے جنت کے بیچوں بیچ گھر بنایا جائے گا، اور جوشخص اپنے اخلاق اچھے کرے گا اس کے لئے جنت کے اوپر کے حصہ میں گھر بنایا جائے گا۔۔۔ (ابن ماجہ)
تشریح : یعنی جو شخص حق پر ہونے کے باوجود یہ خیال کرتا ہے کہ اگر میں حق کا زیادہ مطالبہ کروں گا تو جھگڑا کھڑا ہوجائے گا، اس لئے اس حق کو چھوڑتا ہوں تاکہ جھگڑا ختم ہوجائے تو اس کے لئے حضور اکرم صلی اللہ علیہ وسلم نے جنت کے بیچوں بیچ گھر دلوانے کی ذمہ داری لی ہے ۔ اس سے اندازہ لگائیے کہ سرکارِ دو عالم صلی للہ علیہ وسلم کو جھگڑا ختم کرانے کی کتنی فکر تھی ۔ ہاں اگر کہیں معاملہ بہت آگے بڑھ جائے اور قابلِ برداشت نہ ہوتو ایسی صورت میں اس کی اجازت ہے کہ مظلوم ظالم کا مقابلہ کرے اور اس سے بدلہ لے لے ، لیکن حتی الامکان کوشش یہ ہو کہ جھگڑا ختم ہوجائے ۔
مذکورہ بالا احادیث سے معلوم ہوا کہ مسلمانوں کا آپس میں لڑائی جھگڑا ناپسندیدہ ہے ، اور اختلاف کے وقت صلح کرانا محمود اور مطلوب ہے ، بلکہ درجِ ذیل حدیث شریف کی رُو سے نماز ، روزہ اور صدقہ سے بھی افضل ہے۔
عن أبی الدرداء ، قال : قال رسول اللہ صلی اللہ علیہ وسلم : ألا أخبرکم بأفضل من درجۃ الصیام والصلاۃ والصدقۃ ، قالوا : بلی ، قال : صلاح ذات البین ، فان فساد ذات البین ھی الحالقۃ : ھذا حدیث حسن صحیح، ویروی عن النبی صلی اللہ علیہ وسلم قال : ھی الحالقۃ لا أقول تحلق الشعر ، ولکن تحلق الدین ۔(سنن الترمذی ۔ ۴/ ۶۶۳)
ترجمہ : حضرت ابودرداء رضی اللہ عنہ سے روایت ہے کہ حضور اقدس صلی اللہ علیہ وسلم نے (صحابۂ کرام سے مخاطب ہوکر) فرمایا : کیا میں تم کو وہ چیز نہ بتاؤں جو نماز ، روزے اور صدقہ سے بھی افضل ہے ؟ صحابہ کرام ؓ نے عرض کیا ضرور بتائیے۔ آپ صلی اللہ علیہ وسلم نے ارشاد فرمایا : لوگوں کے درمیان صلح کرانا ۔ اس لئے کہ آپس کے جھگڑے مونڈنے والے ہیں ۔ یعنی یہ چیزیں انسان کے دین کو مونڈنے والی ہیں (انسان کے اندر جو دین کا جذبہ ہے وہ اس کے ذریعہ سے ختم ہوجاتا ہے )۔ (ترمذی)
اللہ تعالیٰ تمام مسلمانوں کو ناحق جھگڑے سے بچنے کی توفیق عطا فرمائیں ۔ آمین۔

٭٭٭٭٭٭٭٭٭

انابیہ نام رکھنا

 ”انابیہ“ ”اَناب“ (ہمزہ کے فتحہ کے ساتھ )سے اسم منسوب موٴنث ہے جس کے معنی ہیں مشک، یا مشک کی  مانند ایک خاص قسم کی خوش بو۔

ففي المعجم الوسیط: "الأناب: المسک أو عطر یشبهه". (ص۲۸،الأنب، ط: دیوبند، وکذا في القاموس الوحید،ص: ۱۳۷، ط: دار اشاعت)

 ’’أَنَابَ‘‘ فعل ماضی واحد مذکر غائب کا صیغہ ہے، جس کا معنی ہے" اس شخص نے اللہ کی طرف رجوع کیا" ،جیساکہ قرآن کریم میں بعض مقامات پر یہ لفظ آیاہے:

{قُلْ اِنَّ اللّٰهَ يُضِلُّ مَنْ يَّشَآءُ وَيَهْدِيْ اِلَيْهِ مَنْ اَنَابَ} [رعد:27]

ترجمہ:آپ کہہ دیجیے کہ واقعی اللہ تعالیٰ جس کو چاہیں گم راہی میں چھوڑ دیتے ہیں اور جو شخص ان کی طرف متوجہ ہوتا ہے اس کو اپنی طرف ہدایت کر دیتے ہیں ۔

لیکن اس معنی کے اعتبار سے اسم فاعل (رجوع کرنے والا)"مُنِیْب" استعمال ہوتاہے،جس کی مؤنث "مُنِیْبَة"ہے، نہ کہ "انابیۃ"؛ لہذا اس لفظ کا پہلا معنی (مشک/خوش بو)  ہی متعین ہے اور اس معنی کے لحاظ سے یہ نام رکھنا درست ہے۔فقط

عمایرہ نام رکھنا

 عمائرہ نام کا معنی اور اس لفظ کا عربی میں استعمال تلاش کے باوجود نہیں مل سکا، البتہ "عمائر" (یعنی آخر میں "ہ" کے بغیر) کے مختلف معانی ہیں، اگر یہ "عَمِیْرۃ" کی جمع ہو تو اس کا معنٰی ہے: بڑا قبیلہ،  شہد کی مکھیوں کا چھتہ، اور اگر یہ "عِمارۃ" کی جمع ہو تو  معنیٰ ہے: عمارات، تعمیرات، اور اگر "عَمارۃ" کی جمع ہو تو  معنیٰ ہے: سر پر اُوڑھنے کی کوئی بھی چیز، مثلًا: عمامہ، ٹوپی، چھتری میں سیے گئے کپڑے کے ٹکڑے وغیرہ۔

اس کے بجائے "عمارہ" نام  رکھا جا سکتا  ہے، ایک صحابیہ ہیں ’’نسیبہ مازنیہ‘‘ جو بیعتِ عقبہ ثانیہ میں ایمان لائی تھی، ان کی کنیت ’’ام عمارہ‘‘ تھی، ان کے بارے میں رسول اللہ ﷺ نے ایک موقع پر فرمایا تھا کہ  اُحد والے دن میں نے جب بھی اپنے دائیں اور بائیں دیکھا تو ’’ام عمارہ‘‘  کو میری جان بچانے کے لیے میرے دفاع میں لڑتے ہوئے دیکھا۔

صور من حياة الصحابيات (ص: 61):

"نسيبة المازنية

«ما التفت يوم أحد يميناً ولا شمالاً إلا ورأيت أم عمارة تقاتل دوني» [محمد رسول الله] ... وعند «العقبة» في «منى» تم اللقاء الكبير في نجوة من قريش ... فلما تقدم اثنان وسبعون رجلاً من النبي صلوات الله وسلامه ... عليه ... ووضعوا أيديهم في يديه واحداً بعد آخر مبايعين على أن يمنعوه مما يمنعون منه نساءهم وأولادهم ... ولما انتهى الرجال من البيعة تقدمت امرأتان فبايعتا على ما بايع عليه الرجال ... ولكن من غير مصافحة ... ذلك؛ لأن الرسول عليه الصلاة والسلام لايصافح النساء. وقد كانت إحدى هاتين المرأتين تعرف بأم منيع  أما الأخرى فهي نسيبة بنت كعب المازنية المكناة بأم عمارة"

نیت اقامت میں دنوں کا اعتبار ہے یا راتوں کا

 مسافر کے مقیم بننے کے لیے مکمل پندرہ دن یعنی پندرہ دن اور پندرہ راتیں  قیام کی نیت ضروری ہے،اگر ایک ساعت بھی مکمل پندرہ دن سے کم  کی نیت ہوگی تو مسافر مقیم نہیں بنے گا اور نماز قصر ہی ادا کرے  البتہ اگر کوئی مسافر کسی جگہ پر مکمل پندرہ کی اس طرح نیت کرتا ہے کہ پندرہ دنوں میں دن ایک مقام پر ہو اور رات ایک مقام پر ہو تب بھی یہ شخص مقیم شمار ہوگا ۔اس مسئلہ کے تحت فقہاء نے لکھا ہے کہ اقامت میں اعتبار راتوں کا ہے ، اس کا مطلب یہ نہیں ہے کہ اگر پندرہ رات اور چودہ دن کی نیت کی تب بھی مقیم شمار ہوگا بلکہ مراد یہ ہے کہ پندرہ رات اور پندرہ دن کی نیت کرے اوردن اگرچہ کسی دوسرے مقام ہر ہو تب بھی مقیم شمار ہوگا۔

آپ نے جب پندرہ دن ٹھہرنے کی نیت کرلی  تو اب آپ مقیم کہلائیں گے اور اب آپ نے وہاں اگلے دنوں میں مکمل نماز ادا کرنی ہے۔

اگر چودھادن ہی میں جانا پڑے تو پچھلی سب نمازیں درست ہیں اصل اعتبار نیت کا ہے۔

لہذا

اگر کوئی شخص اپنے شہر سے  نکل کر کسی دوسرے شہر میں جاتا ہے اور وہاں پندرہ دن  یا اس  سے زیادہ  قیام کی نیت کرتا ہے تو اس نیت سے وہ آدمی دوسرے شہر میں مقیم بن جاتا ہے، مسافر نہیں رہتا  اور مقیم کے لیے حکم یہ ہے کہ وہ نماز میں قصر نہیں کرے گا، بلکہ پوری نماز پڑھے گااب اگر وہ پندرہ دن سے پہلے ہی چلا جایے تو اس کی نماز قصر پرجواس نے اس دوران پڑھیں کوئی فرق نہیں پڑے گا۔؟

حالت احرام میں ایسی چپل پہننا جس سے پاؤں کی ہڈی چھپی رہے

 حالت احرام میں ایسی چپل استعمال کرنا جس میں پنجہ سے اوپر ابھری ہوئی ہڈی ڈھکی ہوئی ہو ممنوع ہے، ابھری ہوئی ہڈی کا کھلا رہنا ضروری ہے۔  لہذا اگر ایک دن یا ایک رات  ایسی چپل پہنی  رکھی جس میں ابھری ہوئی ہڈی ڈھکی ہوئی تھی، تو ایک دم واجب ہوگا اور اگر ایک دن یا ایک رات سے  کم ایسی چپل پہنی، تو صدقہ لازم ہوگا اور اگر ایک گھنٹہ سے کم پہنا تو ایک دو مٹھی گیہوں یا اس کی قیمت کا صدقہ واجب ہوگا۔ 

حاشیۃ ارشاد الساری میں ہے:

"(و لبس الخفين) اي الا ان لا يجد نعلين فانه يقطعهما اسفل من الكعبين ( و الجوربين) اي لبسهما سواء كانا منعلين او غير منعلين ( و كل ما يواري الكعب الذي عند معقد شراك النعل ) اي في المفصل الذي وسط القدم لا الكعب المعتبر عند غسل الرجلين."

(باب الحرام ، فصل فی محرمات الاحرام ص: ۱۶۸،المکتبۃ الامدادیۃ)

فتاوی شامی میں ہے:

"(وخفين إلا أن لا يجد نعلين فيقطعهما أسفل من الكعبين) عند معقد الشراك.(قوله وخفين) أي للرجال فإن المرأة تلبس المخيط والخفين كما في قاضي خان قهستاني."

(کتاب الحج ، ج: ۲، صفحہ:  ۴۹۰،ایچ ایم سعید)

مناسک ملا  علی قاری میں ہے:

"فإذا لبس مخيطاً يوماً كاملاً أو ليلةً كاملةً فعليه دم، وفي أقل من يوم أوليلة  صدقة وكذا لو لبس ساعة فصدقة وفي أقل من ساعة قبضة من بر".

(باب الجنایات وانواعہا، صفحہ: ۴۲۴ و۴۲۵و ۴۲۶، ط: الامدادیۃ مکۃ المکرمۃ)

حالت احرام میں ہینڈ واش سے ہاتھ وغیرہ دھونا

 واضح رہے کہ صدقہ فطر  میں چار  اجناس (گندم،جو،کھجور،کشمش)میں سے کسی ایک جنس  کا دینا یا اس کی بازاری قیمت کادینا ضروری ہے، تفصیل مندرجہ ذیل ہے:

1:گندم نصف صاع یعنی پونے دو کلو   تاہم احتیاطًا دو کلو یا اس کی  بازاری قیمت دینی  چاہیے۔

2: جو ایک صاع یعنی تقریبًا ساڑھے تین کلو یا اس کی  بازاری قیمت ہے۔

3:کھجور  ایک صاع یعنی تقریبًا  ساڑھے تین کلو یا اس کی  بازاری قیمت ہے۔

4:کشمش ایک  صاع یعنی تقریبًا  ساڑھے تین کلو یا اس کی  بازاری قیمت ہے۔

لہذا صورت ِ مسئولہ میں  احرام کی حالت میں ہینڈ واش سے ہاتھ دھونے کی صورت میں جو صدقہ دینا لازم ہے ،وہ اپنے وطن میں  بھی مذکورہ تفصیل کے مطابق  دے سکتے ہیں ،البتہ حرم کے فقراء کو دینا افضل ہے ۔

البحرا لرائق میں ہے :

"وأطلق في التصدق والصوم فأفاد أن له التصدق في غير الحرم، وفيه على غير أهله. قال: في المحيط والتصدق على فقراء مكة أفضل، وإنما لم يتقيد بالحرم لإطلاق النص بخلاف الذبح".

(کتاب الحج ،باب الجنایات فی الحج ،ج:3،ص:15،دارالکتاب الاسلامی)

حالت احرام میں پھولوں کا ہارڈالنا

 احرام کی حالت میں پھولوں کا ہار ڈالنا مکروہ ہے، تاہم اس سے دم یا صدقہ لازم نہیں ہوگا۔ 

 غنیۃ الناسک میں ہے:

"ويكره له شم الريحان والطيب والسفرجل والأترنج وما أشبه ذلك."

(باب الاحرام، فصل فی مکروہات الاحرام، ص: 91، ط: ادارۃ القرآن)

حج عمرہ کے مسائل کا انسائیکلو پیڈیا میں ہے:

"احرام باندھنے کے بعد گلے میں پھولوں کا ہار ڈالنا مکروہ ہے، البتہ اس سے دم   یا صدقہ کچھ لازم نہیں ہو گا"۔

(حج عمرہ کے مسائل کا انسائیکلو پیڈیا ، ج: ۴، صفحہ: ۳۱۷)