اذان کے بعد دوبارہ لوگوں کو نماز کے لئے بلانا ”تثویب“ کہلاتا ہے اور تثویب شرعاً پسندیدہ نہیں ہے؛ اس لئے اگر کسی جگہ یہ رواج ہو کہ موٴذن اذان کے بعد دوبارہ لوگوں کو نماز کے لئے پکارتا ہے تو یہ رواج ناپسندیدہ اور قابل ترک ہے (دیکھیں: فتاوی دارالعلوم: ۲/۹۶، ط: مکتبہ دارالعلوم دیوبند)؛ ہاں اگر کوئی شخص نماز میں جاتے ہوئے آزو بازو والوں کو نماز کے لئے بلاتا جائے تو اس میں شرعاً کوئی حرج نہیں ہے۔ (امداد المفتین: ۲۷۰) ۔
