قسط پر موبائل خریدنا شرعاً جائز ہے ،البتہ یہ ضروری ہے کہ ہر ماہ کی قسط متعین کرلی جائے اور کسی قسط کی عدم ادائیگی کی صورت میں اس پر کوئی اضافی رقم جرمانہ کے نام سے نہ لی جائے اور جلد ادائیگی کی صورت میں قیمت کی کمی عقد میں مشروط نہ ہو۔ اگر بوقتِ عقد یہ شرط ہوگی تو پورا معاملہ ہی فاسد ہوجائے گا۔
مجلۃ الاحکام العدلیہ میں ہے :
"البيع مع تأجيل الثمن وتقسيطه صحيح يلزم أن تكون المدة معلومة في البيع بالتأجيل والتقسيط".
(الفصل الثانی فی بیان المسائل المتعلقۃ فی البیع بالتاجیل والنسیئۃ،ص:50،نور محمد کارخانہ)
البحر الرائق میں ہے :
"ويزاد في الثمن لأجله إذا ذكر الأجل بمقابلة زيادة الثمن قصدا".
(باب المرابحۃوالتولیۃ،ج:6،ص:125،دارالکتاب الاسلامی)
فتاوی شامی میں ہے :
"وفي شرح الآثار: التعزير بالمال كان في ابتداء الإسلام ثم نسخ. اهـ والحاصل أن المذهب عدم التعزير بأخذ المال".
(کتاب الحدود ،باب التعزیر،ج:4،ص:62،سعید)
No comments:
Post a Comment