مردار مچھلی کا حکم

 مری ہوئی مچھلیاں دو طرح کی ہوتی ہیں :1۔جو پانی میں اپنی طبعی موت مر گئی ہو،اس کی علامت یہ ہے کہ پانی کی سطح پر الٹی تیر  رہی ہو،ایسی مچھلیاں بالکل حلال نہیں ہیں۔

2۔جو کسی آفت ِ سماویہ یا کسی خارجی سبب سے مرگئی ہو مثلاً ،پانی کے ٹھندے یاگرم ہونے کی وجہ سے یا پانی سے باہر نکالنے کی وجہ سے مرگئی ہو،ایسی مچھلیاں  حلال ہیں،اور یہ اس وقت تک حلال ہے ،جب تك سڑ نہ جائےاور بدبو نہ آئے۔

در مختار  میں ہے:

"(ولا) يحل (حيوان مائي إلا السمك) الذي مات بآفة۔۔۔۔۔۔(غير الطافي) على وجه الماء الذي مات حتف أنفه وهو ما بطنه من فوق، فلو ظهره من فوق فليس بطاف فيؤكل كما يؤكل ما في بطن الطافي، وما مات بحر الماء أو برده وبربطه فيه أو إلقاء شيء فموته بآفة وهبانية ."

(كتاب الذبائح،ج:6،ص:307،ط:سعید)

فتاوی عالمگیری میں ہے:

"واللحم إذا أنتن يحرم أكله."

(كتاب الكراهية،الباب الحادي عشر في الكراهة في الاكل وما يتصل به،ج:5،ص:339،ط:دار الفكر)