رنگ ٹون کا مقصد اس بات کی اطلاع دینا ہے کہ کوئی شخص آپ سے بات کرنے کا متمنی ہے ، گویا یہ دروازہ پر دستک دینے کے حکم میں ہے ، اس اطلاعی مقصد کو حاصل کرنے کے لیے اذان کی آواز کو استعمال کرنا بے محل ہے ، بلکہ ایک درجہ میں اس سے اُن مقدس کلمات کی توہین کا پہلو بھی نکلتا ہے ، اسی بنا پر حضرات فقہاء نے اس طرح کے مقاصد میں کلمات ذکر کا استعمال ناجائز قرار دیا ہے ، لہٰذا موبائل کی رنگ ٹون میں اذان کو فیڈ کرنا درست نہیں، خواہ وہ صرف فون کرنے والے ہی کو سنائی دے ، موبائل میں صرف سادہ گھنٹی کی آواز ہی لگانی چاہیے ۔
فتاوی عالمگیری میں ہے:
"وإن سبح الفقاعي أو صلى على النبي - صلى الله عليه وآله وصحبه وسلم - عند فتح فقاعه على قصد ترويجه وتحسينه، أو القصاص إذا قصد بها. (كومئ هنكامه) أثم، وعن هذا يمنع إذا قدم واحد من العظماء إلى مجلس فسبح أو صلى على النبي صلى الله عليه وآله وأصحابه إعلاما بقدومه حتى ينفرج له الناس أو يقوموا له يأثم هكذا في الوجيز للكردري."
(کتاب الکراہیۃ، الباب الرابع فی الصلاة والتسبیح وقراء ة القرآن والذکر والدعاء ورفع الصوت عند قراء ة القرآن،ج:5،ص:315،ط:المطبعۃ الکبری الامیریہ)
No comments:
Post a Comment