سرکاری اور پرائیویٹ بنک سے ملنے والے سود میں فرق

 سودی رقم کا اصل مصرف یہ ہے کہ جہاں سے وہ رقم حاصل ہو، اسی کو واپس کردی جائے، اب اگر سرکاری بینک سے سودی رقم حاصل ہو، تو سرکار کو واپس کرنے کی ایک شکل یہ ہے کہ انکم ٹیکس میں یہ رقم جمع کردی جائے، اس طرح سودی رقم سرکار تک پہنچ جائے گی؛ اس لیے کہ انکم ٹیکس کی رقم سرکار کے پاس جاتی ہے، لہٰذا سود کی جو رقم سرکاری بینک کے توسط سے حاصل ہو، اس کو انکم ٹیکس میں دینے کی گنجائش ہے، برخلاف پرائیویٹ بینک کی سودی رقم اس کو انکم ٹیکس میں دینا جائز نہیں ہے، اس لیے کہ سودی رقم پرائیویٹ بینک تک نہیں پہنچے گی۔