بندر کاجھوٹا پانی پاک ہے یا ناپاک؟

 بندر کا جھوٹا ناپاک ہے: وسوٴر خنزیر و کلب وسبع بھائم نجس (الدر المختار مع الشامي، ط زکریا : ج۱ ص۳۸۹)  ٹنکیوں  کاپانی چوں کہ عموماً ماء راکد قلیل (ٹھہرا ہوا تھوڑا پانی) ہوتا ہے اس لیے بندر کے منھ ڈالنے سے ایسا پانی ناپاک ہوجائے گا۔ اور اس کے پاک کرنے کا طریقہ یہ ہے کہ ٹنکی میں ایک طرف سے پانی داخل کیا جائے اور دوسری طرف سے نکالا جائے، دوسری طرف سے پانی نکلتے ہی ٹنکی اور پائپ وغیرہ سب پاک ہوجائیں گے۔ پاک کرنے کے لیے پانی کی کوئی خاص مقدار نکالنا ضروری نہیں۔ البتہ احتیاط یہ ہے کہ بندر کے پیتے وقت جتنا پانی ٹنکی میں موجود رہا ہو اتنا پانی نکال دیا جائے: وقال أبوجعفر الھندواني: یطھر بمجرد الدخول من جانب والخروج من جانب وإن لم یخرج مثل ما کان فیہ، وھو أي قول الھندواني اختار الصدر الشھید حسام الدین لأنہ حینئذ یصیر جاریًا والجاري لا ینجس ما لم یتغیر بالنجاسة (شرح منیة بحوالہ آلاتِ جدیدہ کے شرعی احکام: ص۱۸۵)