بی جے پی کی موجودہ حکومت ہندنے پورے ہندوستان میں فرقہ پرستی نفرت اور غنڈہ گردی کاجوزہرآرایس ایس اور دیگرہندوتو گروپس کی مددسے تیار کیاتھا اس کے نتائج مختلف انداز میں آئے دن سامنے آرہے ہیں.ماب لنچنگ کانہ تھمنے والا سلسلہ ختم ہونے کا نام نہیں لیتا.روز کہیں نہ کہیں کسی مسلم یادلت شخص کی ماب لنچنگ ہوجاتی ہے.برسراقتدارپارٹی نے نفرت کازہراتناگھول دیا ہے کہ وہ تھمتا نظر نہیں آتا انسان حیوان بن چکا ہے. اقتدار کے ایوانوں میں بیھنے والے انسانیت کے دشمن بھیڑیئے اقتدار کے لئے انسانوں کوآپس میں لڑاتے رہتے ہیں .کھلے عام چیلنج کرتے رہتے ہیں افسوس کی انتہا یہ ہے کہ ہندوستان کی سپریم کورٹ توہین عدالت کے معاملے میں نامور وکیل پرشانت بھوشن کواز خود نوٹس لیتے ہوئے سزا سناتی ہے لیکن آج تک نفرت فرقہ پرستی کی زبان بولنے والے سیاست داں سپریم کورٹ کو نظر نہیں آتے.کیا سیاست دانوں سے سپریم کورٹ خائف ہے جو ان کے خلاف کبھی نوٹس نہیں لیتی.اگر سپریم کورٹ ان سیاست دانوں کے خلاف نوٹس لیے تو فرقہ پرستی ماب لنچنگ نفرت کی گرم بازاری میں کمی آسکتی ہے لیکن افسوس عدالت آجکل حکومت کی ہمنوا ہے.
No comments:
Post a Comment