نئی دہلی-2 مئی( اردو لیکس)دہلی پولیس نے دہلی اقلیتی کمیشن کے چیئرمین ڈاکٹر ظفر الاسلام خان کے خلاف غداری کا مقدمہ درج کیا ہے۔ ظفر الاسلام خان پر سوشل میڈیا پر اشتعال انگیز تبصرے کرنے کا الزام عائد کیا گیا ہے۔ دہلی اسپیشل پولیس کے جوائنٹ سی پی ایل نیرج ٹھاکر نے بتایا کہ یہ معاملہ دہلی کے وسنت کنج علاقے کے ایک شخص کے ذریعہ دہلی پولیس میں درج شکایت کے تحت آئی پی سی کے سیکشن 124 اے اور 153 اے کے تحت درج کیا گیا ہے۔ وسنت کنج کے رہائشی نے پولیس سے شکایت کی ہے کہ دہلی اقلیتی کمیشن کے چیئرمین ، ظفر الاسلام خان کی 28 اپریل کو ٹویٹر اور فیس بک پر شائع ہونے والی پوسٹ فرقہ وارانہ تشدد کو ہوا دینے کے مترادف ہے۔اس معاملہ کے ظفر الاسلام خان نے سوشل میڈیا پر شائع کی گئی پوسٹ کے لئے معذرت کا اعلان کر دیا ہے۔ اس کے باوجود پولیس نے ان کے خلاف کارروائی کی ہے اسی دوران ظفر الاسلام خان نے کہا کہ وہ ایف آئی آر کی کاپی ملنے کے بعد ہی اس معاملے پر تبصرہ کریں گے ۔
No comments:
Post a Comment